سلطان بن دحيم
يا ذيب عروى ترا ما معك سيف(ن) حديد=اللي معك خنجر(ن) مكسور(ن) نصابهـا
لو المطيري معه فالوقت باس(ن) شديـد=قـدم العتيبـي لا وداهــا ولا جابـهـا
ذيب عروا
الشيخ ماينقل المصقول فـوق العبيـد=كافي عليك العصا تكفيك وارضابهـا
من هد قصر العراق وهد قصر الرشيد=ماهوبعاجز عن الروسـان واغرابهـا
سلطان بن دحيم
العبدلي عبدلي والسيد معروف سيد=لكن يمناك منـا ماتـت اعصابهـا
ياللي تكبر علومك قدمنا هيد هيـد=يا ابو حقب راس قمه ما تعلابهـا
ذيب عروا
العبدلي عبد له من عهد قيس ويزيد=ويمناي مالومها لاطـاح مشعابهـا
من كثر ماطقكم ماعاد لي خلق ازيد=اليا متي والعيـون انتـف اهدابهـا
سلطان بن دحيم
يالعبدلي مالها مجناب والعلم اكيـد=يا ابو يمين(ن) كما السكين فجرابها
انته كما الشاره اللي تنكسر ما تبيد=مير العباريد بين فيـك مضرابهـا
ذيب عروا
سلطان ياروح روحي لاتعيد ونعيد=امّا ارفعوا شانها ولاّ اقفلو بابهـا
ماينقل الواطيات الا عديم الرصيد=الله لايرفـع السلعـه وجلابـهـا
سلطان بن دحيم
اهرج بهرج الرجال وصك راسك بحيد=و انت اللذي هرجتك ما تحسب حسابها
بداية شوط جيد واخـره مـاش جيـد=يا مصادم الروس موتك صار بسبابها
ذيب عروا
حاولت اجنبك عنها من قريب وبعيد=لكن اشوف الرديه قمـت تسعابهـا
الموت بيد الولي ماهو بدين البليـد=ياللة عسا لحيتك تفتـك باشنابهـا
سلطان بن دحيم
ما ني براعي رداء والخالق الله شهيد=والبادي اظلم وصرت الليله اولابهـا
اسج رجلي واسوي كل ما ابغى واريد=واخصامي اقف وقالبلها ولا اغتابهـا
ذيب عروا
هارون اعرّفه رشيد وصار ماهو رشيد=سبحان من غيّـر الاحبـاب بحبابهـا
انته بحكم السعـود امطوّعيـن العنيـد=اليادبـت حيّتـك وروك فـي دابـهـا
سلطان بن دحيم
هارون باقي على طبعه ورايه سديد=يا راعي الرفقه اللي تقلب ثيابهـا
حنا بدار السعود وكل الاوقات عيد=وانتم هل الديره اللي كثروا اغرابها
الشيخ ماينقل المصقول فـوق العبيـد
كافي عليك العصا تكفيك وارضابهـا
انته كما الشاره اللي تنكسر ما تبيد
مير العباريد بين فيك مضرابها
اسج رجلي واسوي كل ما ابغى واريد
واخصامي اقف وقالبلها ولا اغتابهـا
الله الله
ياسلام عليكم
ياثنينكم
سلطان بن دحيم
صح لسااانك مليااار يابحر
وذيب عروا
صح لسااانك ملياار مبدع بقووه.
بيض الله وجيهكم
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
20-Aug-2009, 03:16 PM
العرض العادي
