سلمان الحافي
سلام الله عليكم واسمعوني وين ابن سرحان=انادي وين ابن سرحان راع الدار والديره
عليه المجتمع راضي عليه المجتمع زعلان=يعاين في بعير القوم قبل يسنع بعيره
ابن سرحان الثبيتي
هلا يامرحبا ترحيبة ٍ يروابها الضميان= على هاك الدروب اللي بها خمسين تدويرة
تهرج .... وانتبه لا تنكر المعروف ياسلمان = بعد حطيت لك فحلالهم تكوه وتعميره ؟
سلمان الحافي
منول نعتزيبك نحسبنا نحكم اليابان=وهالحينه مانطلع للكويت الا بتاشيره
انا ماني بطنب ولاعمود لخيمة الصيوان=إليّ نيه ولي نظره ولي حنكه ولي غيره
ابن سرحان الثبيتي
منول راسي ايحك السماء واريض العجلان = وذالحين ارجم الشيطان لا دندن مزاميره
كبير الفرق مابين الصقر وملهي الرعيان = ومن لا يعرف اسرار الشقر ... مايطربه زيره
سلمان الحافي
اعرف انك عتيبي والجزيره نصفها عتبان=يابوخيط وخرز سبحتك قلي كم تقديره
ياكبر الفرق بس الفرق فالمدل وفالغلطان=وسحاب الصيف مايدبلك منه الا معاصيره
ابن سرحان الثبيتي
بعد جتنا الرساله ناقصة ماهي كما العنوان = على ساعي البريد الله يخلف في مشاويره
نبا نرميبها ياصاحبي في سلة النسيان = ويموت الطرقي اللي طاح دلوه في طرف بيرة
سلمان الحافي
ياسوق مقيبره فاضي ياسوق مقيبره مليان=مافيك الازبيل الحضرمي شايل محافيره
على جسر المحبه وش مشى ياباشة السلطان=عسى الله يستر الاحوال والسيره هي السيره
ابن سرحان الثبيتي
على الدرب البعيد اللي مشيته كان لي صدقان = ولكن الصديق اليوم وصلتني معاذيره
تركته يوم شفته نزل الحبة عن النيشان = وثوب الحر مايصبر على صكت ازاريره
سلمان الحافي
على الدرب البعيد وصح ياسرحان وليا الآن =وغيرك لا تجيبه كل رجّالٍ وتفكيره
تشوف السيف ابوحدين وانت بحد ياشامان=تشوف الناس في حيره ومعهم داخل الحيره
ابن سرحان الثبيتي
تقوله من بعد ماقدمولك دلة الرسلان = تبا شقرة عصاهم مير تدري ..... جعلها خيره
ترانا فالشدايد نعرف الاصحاب و العدوان = صديق السوء يعرف ياجاعه لا نفخ كيره
« آخـــر الـــمـــشـــاركــــات »
25-Jun-2009, 07:20 PM
العرض المتطور
