مقعد الدغيلبي=
الليا حضرة اليه حضوري واللي فعل ومنزله=اقولها وابديبها من صادق شعور الصميم؛؛
ياصحابنا اللي وده نكحل عيونـه نكحلـه؛؛=اكلحله وان قلتوا احلف قلـت والله العظيـم
غالب الذيابي=
هذا كلام الليل واكمال المثل مـا تجهلـه=ان كان لك فطنه ولك تفكير والجوهر سليم
العام تنخاني على الخاين واهين اغلب هله=واليوم اشوفك تنكر الميقاف والعرف القديم
مقعد الدغيلبي=
السيف فعله تعرفه والفاس ماقلت انقلـه=عقلي معي وخاطبك بالعقل والراي الحكيم
احدنٍ نبا نرضيه واحدٍ يالذيابـي نزعلـه=كفك شحيحه واما اناكفٍ من الماضي كريم
غالب الذيابي=
قال المثل ماينلحـق بالفعـل راع الاولـة=لو انك اسبق من جموح الليث وجفال الظليم
اما اعترف حتى يجازا كل رجـلٍ بعملـه=والا تصير المتهم ونقول سين وهات جيـم
مقعد الدغيلبي=
اناجوابـي يالذيابـي أكبـر مـن الأسئلـه=نمسح دموعك ياليتيم اقـرب شويـه يالتيـم
النير مايزحف ولو انه زحـف عنـد جبلـه=يصبح على الدنياء عوار وتصبح الدنيا عقيم
غالب الذيابي=
وسط البريد اللي تجيني به حروفٍ مرسلـة=لازال مضمون الرسالة باقيٍ حبـره مقيـم
تبا تحجب الشمس وتحزم القمـر بالمنسلـة=والشمس ماتحجب بكف الظن والراي الغشيم
مقعد الدغيلبي=
منته على مله وكأنـك عايـش(ن) فالململـه=تبا النسيم يهب لك عيا يهـب لـك النسيـم
اناتوقـع تاخـذ شويـه ثويـبـك بسفـلـه=من طب في وآآدالهيام اصبح من الوادي مهيم
غالب الذيابي=
عذروبي اني كل ما اصلح واهون مشكلـة=ارمي بها يا صاحبي في غبة البحر الطميم
ماني بمجنونٍ نقص عقله ولا ينـرد لـه=الحمد للي تم عقلي وان غضبت انا الحليم
مقعد الدغيلبي=
اهل الثياب القاصره واهل الثياب المسبله=ماتستوي بأعمالها مابين زمزم والحطيم
انا تراني مالبس ثياب الردا والمهزلـه=تدري بنا العربان والحاظر شموخٍ للقديم
غالب الذيابي=
انته تغيشم يوم تركيـزي عمـل لـك زلزلـة=منها جهاز ارسالك اصبح تحت ضرب النار نيم
والله ما ابيع الطيب لـو بقعـا شنبهـا تفتلـه=وانا من اللي بالحمية يفلجـون اعتـى خصيـم
مقعد الدغيلبي=
صحيح تركيزك ياغالب فالسلال المهمله=واناجهازي ربع ساعه ثم يوردك الجحيم
بعتوه قبل العام يوم الشيخ جاكم بجملـه=واناعتقد مافيه رحـالٍ يشددلـه مقيـم
غالب الذيابي=
باقي من االرحلة قليل وياصل الطرقـي هلـه=من يوم راح من المضارب فوق عجلات الهميم
احدٍ علومه تفـرح اصحابـه وترفـع منزلـه=واحدٍ سموعه تسفه االنشاد وحجاجـه كضيـم
مقعد الدغيلبي=
طرقي وحص له ذهب واقفى الجمال محمله=وش عذركم بالله ياغالب من دموع .........
اناماحـب البلبـلـه ياعاشقـيـن البلبـلـه=ياشريم ودك تنفخ النيران لكـن ياشريـم!!
غالب الذيابي=
والله يلا مرزوق ابن حمدان واحسب لزعلـه=اني لا اكبك في مهاميه الخـلا مالـك نديـم
مار امش ابا اوديك لبخه وامس وابليس اعقله=واخذ العبر من وقتك اللي شيب الطفل الفطيم
مقعد الدغيلبي=
مرزوق خله قبـل لانقـرا عليـك الزلزلـه=روضة خريم مطر والصبح مدري عن خريم
لبخه ترا عز وفخر ماهي دفيـن وجلجلـه=وانانصحتك قبل ياغالـب توقـع فالصميـم
عذروبي اني كل ما اصلح واهون مشكلة
ارمي بها يا صاحبي في غبة البحر الطميم
اهل الثياب القاصره واهل الثياب المسبله
ماتستوي بأعمالها مابين زمزم والحطيـم
وسط البريد اللي تجيني به حـروفٍ مرسلـة
لازال مضمون الرسالة باقيٍ حبـره مقيـم
تبا تحجب الشمس وتحزم القمـر بالمنسلـة
والشمس ماتحجب بكف الظن والراي الغشيم
مقعد الدغيلبي x غالب الذيابي
غالب الذيابي x مقعدالدغيلبي
بيض الله وجيهكم وصحت السنتكم
طارووف فايف ستار
« آخـــر الـــمـــشـــاركــــات »
15-Dec-2011, 04:54 AM
العرض العادي
