اقتباس:
المشاركة الأصلية كتبت بواسطة ابو فايح
طاروق رائع ومميز وفيه سبك وحبك شعري فريد وغريب جدا جمع بين الشاعرين عواض الشهيب وزبن القاضي
طاروق راهنوا وتحدوا على معناه كثيرا وأيضا وعدوا من يستطيع فك رموز هذا المعنى بهديه قيمه
أترككم مع الطاروق
عواض الشهيب
يا زبن هات العلوم اللي نباها كلها هات = الغاليه هاتها وأعطيك من عندي ثمنها
أنا تزوجت لي حرمه كبر برج الأمارات = والمشكله يوم ماتت ما قدرت اشري كفنها
زبن القاضي
جيتك بعلم يوصلنا ليا سبع السموات = لكن غن البيوت اللي يشوقنا لحنها
وأنا تراني بنيت بيوت في عمق المحيطات = سكانها بالسيوف ترد صفق الموج عنها
عواض الشهيب
وأنا تراني على سطح القمر باني عمارات = والشمس ماهي بعيد أشب ضوء النار منها
شريت لي ناقه في ديوسها مثل الجنيهات = الجن والأنس تشرب لين تروى من لبنها
زبن القاضي
قبل أمس جاني صرار اللي عليه اسم الصرارات = شجرة عتيبه على كفه بها يأمر وينهى
وذبحت لي حايل لضيوفنا هاك السنيات = ثلاثه الاف زدهم كثرهم على صحنها
عواض الشهيب
أنا مابين السماء والأرض عاملي مطارات = وأعسف الطائره مثل الفرس وأمسك رسنها
أمشي على رجل وحده من تبوك إليا القريات = واقص في جرت الذره لو السافي دفنها
زبن القاضي
من قو بأسي طحنت طويق وجبال السروات = طحنتها باليدين ولا حدن قبلي طحنها
سويت لي موترن كله ذهب حتى الكفرات = في ثانيه وحده من شامها يأصل يمنها
عواض الشهيب
وأنا حفرت القليب بملعقه في خمس ساعات = ماها يسد الحضر والبدو ويكفي ضعنها
وش رايك إن العسل يصنع ويرجع سم حيات = وإن كان منته مصدقني ترى عندي رهنها
زبن القاضي
أنا حسبت النجوم اللي على العالم مطلات = لو تسمع الناس هذا المعجزه تترك وطنها
وانا لقيت أدمي يحلب طيور ويأكل أموات = وجنازة ابوه وأمه فوق صدره محتضنها
|
الله يبلشك يابو فايح ابلشت العالم
وفيه محاوره بنفس الاسلوب ونفس المعنى
يقول الشاعر الاول
انا رميت الغراب مع السما بالجايز ارميه= ولين لحمه وريشه مختلط مثل البقاعي
واخذتلي قد نصفة رز واشبع من يواليه= شبعو عتابه وجمع هذيل ومعبد شباعي
قال الثاني=
انا ملكت الجراد وعندنا فالبيت اضويه=واسرح الذئب فيه وقلت يامحسنك راعي
ينشره للعقيق ويقهر الاول لتاليه= واليا فقد له جراده وحده صب المناعي
| التوقيع |
ماني بلا روقي ولا برقاوي = انا ثبيتي جد روق وبرقا
|
« آخـــر الـــمـــشـــاركــــات »
07-Oct-2010, 10:12 AM
العرض المتطور
