يا معجب وا عجب وشلون ترضى ,,, الله يحييك يا معجب العتيبي !!

[صاهود]

المشاركة الأصلية كتبت بواسطة الراي السديد

العمده .. حياك الله و مشكوووووووور



صااهود + الدجيماء



خفو الرمي شوي لا نروووح فيها كلبونا

ماعلاك انت في ديرة عتيبه ارقد وامن

سعد من ربعه العتبان =كم واحدن طمنوا شوفه

الله يهديك يالراي السديد والله انك روعتنا وحاشتني حموضه

[حسن إبراهيم الدجيماء]

المشاركة الأصلية كتبت بواسطة صاهود

ماعلاك انت في ديرة عتيبه ارقد وامن

سعد من ربعه العتبان =كم واحدن طمنوا شوفه

الله يهديك يالراي السديد والله انك روعتنا وحاشتني حموضه

يالله سترك ... والله انه خاضٍ بطني ... اشوى ..!!

[صاهود]

المشاركة الأصلية كتبت بواسطة العمــــــدة

ابقاك الله يا صاهود


من يفكني من شرهة معجب هههه


الخير والبركة فالثنين والصف محايد

اتصدق يالعمده

معجب قمرنا كلنا

ضده فالصف واقلوبنا معه هههههههه

[معجب العتيبي]

الراي السديد

يا معجب وا عجب وشلون ترضى وانته الماسول=ترا دولتك صارت كلها شلّات و احزابي
من اوّل كانت الدوله تميّز بالذهب و اللول=لكن اليوم صارت و انت خابر سحت و ترابي

معجب العتيبي

تعال اقرب وسمّعني وقلي ويش كنت تقول=ترا بث الاشاعه يعتبر تشويش وارهابي
للا عقل البنادم ماعرفنا المنطق المعقول=ياكثر اللي يجمع من علوم الناس ويبابي

الراي السديد

تفكّر طال عمرك في سياسة خبز زايد فول=ترا الصادق نهار الحق يسكت كل كذابي
حسافه كان ما ميّزت هرجي و انته المامول=لكن احذر ترا اللعّاب قسمه راس مشعابي

معجب العتيبي

تغني وانت جايع لين قفل مخك المشلول=ترا الكذاب مثل ابليس هابي والردي هابي
ليامنك نويت الامر بالمعروف عرض وطول=لابد تقدم حلول القضيه بعد الاسبابي

الراي السديد

الا و ا شيب عيني فالكلام اللي بلا مدلول= عطيت العلم صالونٍ رجع لي العلم دبابي
طريق الحق واضح ويش اسوي بالعيون الحول=ليا منّك نطقت الحق قالو الناس نصابي

معجب العتيبي

تقوله وانت بالنسبه لنا ياصاحبي مجهول=مدام الوجه مابين ولابيّنت الانسابي
ليا اهتزت شباك القول قلنا ياجماعه قول=ماحد ينكر ولايجحد ورجل الخط ماغابي

الراي السديد

ترا ما فيه داعي نفتح الباب الذي مقفول=مصير الوقت يا معجب يبيّن سر الالقابي
تقولونه و لكن ما يفيد القول دون فعول=عسى الشيشان ما تنسى فعول الشيخ خطّابي

معجب العتيبي

اجل خله على قفله وعندي للسؤال حلول=وخل الاسم واسراره تولع كل مشهابي
ليامن المزارع جوّد المهنه يجي محصول=لكن ليا جهل في مهنته ياكثر الاتعابي

التوقيع

[معجب العتيبي]

لكل من شرفنا بمروره



نوراتنا



لاخلا ولاعدم من الحضور المميز




الراي ترا الرد طلع فوق بسبب غلطة تنسيق

[صاهود]

الله الله

صحت الالسن والقلوب جميع

والصف محايد ياشباب

والله لايضركم

[علي الشهراني]

يعني ايش يا معجب ما فهمت شئ


كيف طلع فوق ؟

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[صاهود]

اجل خله على قفله وعندي للسؤال حلول
وخل الاسم واسراره تولع كل مشهابي
ليامن المزارع جوّد المهنه يجي محصول
لكن ليا جهل في مهنته ياكثر الاتعابـي


هذا رده معجب يالراي السديد

[معجب العتيبي]

ههههههههههههههههههههههه يعني نزلت التنسيق وطلع ردك قبل التنسيق القديم


رحت وحطيت ردي مكان التنسيق عشان مايتلخبط


الحين مضبوط



خخخخخخخخخخخخخخ احب التنسيق بس بدوي

[حسن إبراهيم الدجيماء]

معجب العتيبي : والله انه حنا من له الشرف بالمتابعة وكسب الفائدة والتعلم بمعنى اصح ...


صحت الالسن والقلوب ... عسا الله لايحرمنا منكم ... ولامن روح صاهود الفكاهية ... اللي الظاهر

ان اشكل الردود باسمه ... وهذا دليل على سمو مكانة ملعبتكم اللي تفضالها صاهود .. " راعي الوسام"