ياخلف عقلك في لندن وجسمك فالكويت \\ مير موتتك الشنيعه هنيه عانها !!

[برررق الحيا]

المشاركة الأصلية كتبت بواسطة ابن سرحان الثبيتي

مساء الخير ياخلف واستلم ان سمح وقتك "

ياخلف عقلك في لندن وجسمك فالكويت = مير موتتك الشنيعه هنيه عانها !!
لا تدوس برجلك النار وانته مادريت = يوم تقرب من لهبها ومن دخانها

المشاركة الأصلية كتبت بواسطة خلف المطيري

هلا يابوريان

حطيتني في ماقف لا احسد عليه

لكن انشالله نلقا مخرج ههههههههههه

المهم اني كشفت المغطي واعتليت = ناس انزل شانها ناس اعلّي شانها
انت اعرفك مافتحت الكتاب ولا قريت =ملّتهي فام الكباير تجر الحانها

المشاركة الأصلية كتبت بواسطة ابن سرحان الثبيتي

وش اقلك ياخلف \ غير طحت ولا عليت = ياكبر شرهة عتيبه على جيرانها ؟
حية ٍ نلقى مساحيبها في كل بيت = حالف اني ياعتابه لاقص السانها!

المشاركة الأصلية كتبت بواسطة خلف المطيري

من كبر غلّك عليه عن الحق انعميت = ماكفاك الناس قامت تسب اوطانها
النعامه شكّرهافوق صندوق الونيت = ماعليه برّقبتها ولا كراعانها

المشاركة الأصلية كتبت بواسطة ابن سرحان الثبيتي

من كبر غلّك عليه عن الحق انعميت

والله اني احبك " مير استلم "

الحقيقه يالمطاري نقول انك غديت = في بطون القوم مدري تحت كيعانها
خل جمهورك يرافقك كله كمبليت = عيّنه من يوم خلقت قليل احسانها !!

المشاركة الأصلية كتبت بواسطة خلف المطيري

علي قول المصري شعور متبادل هههههههههههه

انت تبغا شي والله مخيب مابغيت =جمّتك علم عليها ضريس اسنانها
كنت ابا سمعك كلمه يافايز واستحيت = سلعتك ماتنشرا ردها دكانها

المشاركة الأصلية كتبت بواسطة ابن سرحان الثبيتي

الختام عندك لا عدمتك وشااااكر لك قبول الدعوه والعذر والسموحه

كل ماشفت الرصاصه من بعيد ارتخيت = وانت مايخفى صوابك على ميدانها
دوب جبت الهرجه اللي تعذرك وسريت = بندق ٍ مدري من اللي وزن نيشانها

المشاركة الأصلية كتبت بواسطة خلف المطيري

من عطوك اللون الازرق تغيرت ونسيت = تحسب ان الناس تحشم عشان الوانها
أه لو منت ابثيبيتي وربعك من ثبيت = كان اردك رد علوي علي عدوانها

عزالله إنها أثنينية طيبة صحت اللسن والقلوب أحباب

[خالد الثبيتي]

ابن سرحان

صح لسانك مدد بلا عدد

جزل و الشاهد الله

انت من اليوم ورايح ابسميك السفّاح ههههه ادميت الناس



خلف المطيري

الصكات ما تجي الا بالراس الجيد ههههه

صح لسانك مليون و لا يكفوووون

و الله لا يحرمنا ابداعكم


متابع لكم دايم

[مرزوق حمدان العتيبي]

..

.
ابداع غير مستغرب
ابو عبد الله وابو ريان
جزاله وطاروق مميز

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD