سعود العصيمي =
ياسلام وكل رجالٍ معه علمٍ يعده = والجواب من السؤال ومن سئل يلقى الاجابه
يالبعير اللي ثقيل الحمل فوقك لو نشده = مابركت لشيلته لوكان بعظامك صلابه.
سلطااان الجذع =
مرحبا بك من هجوسٍ في طلبها مستعده=والله الله في كلامٍ يحسب العاقل حسابـه
البعير اللي تشوفه عن لزومه من يرده ؟؟=أأكلٍ ميراث خنذف ويتلفت فـي شبابـه
سعود العصيمي =
البقاء من هيض صدرٍ لابدى اللازم يسده=سرها والسر خلـه فالقرايـة والكتابـه.
كم صبرنا عنك لاجل الحق لاصحابه ترده=والصبر عدا حدوده مابقى غير الحرابه.
سلطااان الجذع =
خلها مثل الجواهر في غياهب بحر جـده=تتعب النشمي وبندر دونها ترجع ركابـه
ويش اسوي فيك كفك يرتعد ساعة تمده=يوم ماانت بذيب حقك راح فحلوق الذيابه
سعود العصيمي =
الجواهر فالبحر وانعرف وش جزره ومـده=وانت رجالآ تعرف السيف عزه من نصابه.
كان جاهلٍ فالرجال اهل المواقـف والاشـده=جاك سقمك يالجذع والسقم من صابه غدابه.
سلطااان الجذع =
لاتطيّر نوم ( عليا ) خلها فـوق المخـدة=لين ابو زيد الهلالي فوقها يكتـب كتابـه
صبح ابا اعلم عصيم تحط وسمي فوق خده=القعود اللي يسيّر في طحي وفـي شعابـه
سعود العصيمي =
سيف ابو زيد الهيلالي عندنا سيف يضده=حدك المحدود رجلك لاتعدى عن ترابـه.
القعود اللي تقولـه لاتعنـا مانـت قـده=لا تمره ثم يحطك من على ضرسه ونابه. .
سلطااان الجذع =
انت سيفك ياوسيع المعرفـه مدقـوم حـده=لاتمااري به مع االاجناب ويفشل عتابـه !!
مات ابوك اللي على طريا الكرم كـلٍ يعـده=وانت من بخلك يحول الحول تمرك في عيابه
سعود العصيمي =
انت مالك سيف ياللي عندنا مجهول جده=لاتماري لك بفعـلٍ مـا عتيبـيٍ درابـه.
فيك عرق من العروبه وابك عرقٍ فيه غده=مار ماتنهج على نهج النبي ولا الصحابه. .
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
27-Mar-2009, 11:52 AM
العرض المتطور
