الراكب اللي جالس باخر عربات القطار = من رشحه يحكم على ناسٍ طوال اشبارها

[شاعر شعبي]

رفيع المنزل

سلام تسليمة كبير ٍ مايبي غيـر الكبـار=مار الزمن خلى كبار القوم تحت صغارها
الراكب اللي جالس ٍ باخر عربات القطـار=من رشحه يحكم على ناس ٍ طوال اشبارها

شايب كم

يا مرحبا ترحيبةً تبدي مثل شمس النهار=وطبع الليالي يختلف لاتامن امن اقدارها
اهم شي انه نظامي مايلف اعن المسار=واله نظر والناس يارجال حسب انظارها

رفيع المنزل

دام البقا للي يعرفون اليميـن مـن اليسـار=الله يعـز اقدراهـا واللـي يطيـل اعمارهـا
صاحبك له خمسين عام من انحدار اليا انحدار=مار الجزيرة ماتجيب الصدق بيـن اخبارهـا

شايب كم

لله يبارك فيك حـر وجابـك الله مـع حـرار=من طيب حظك جابك اوحطك ما بين اوكارهـا
الستر طيب والله انا ما نبـا كشـف الستـار=ولا به مصالح من ورى العالم وكشف اسرارها

رفيع المنزل

الفضل لله مالغيره فضل خذها باختصـار=وانا تراني عارف ٍ سلم العرب بديارهـا
هرجك يدل انك موافقني على نفس القرار=الطايرة جبتو لها واحـد ماهـو طيارهـا

شايب كم

الفضل لله وانت جار ولانذمك وانت جار=وانا من ارجالا لها هيبه ويا من جارهـا
خل القرار انصدره من بعد ما ننه الحوار=السالفه ياصاحبي في مبتدى مشوارهـا

رفيع المنزل

بالطيب والله مانذم الناس في كل الديار=ياللي تشيل البندق اللي ماوزنت عيارها
ماغثني ياكود في تمجيد راعين الفـرار=ناس ٍ ليادرات رحا الهيجا تبيح اسرارها

شايب كم

احسب حساب النار لا تكبر ومبداها شرار=ترى بليس اليا لقا الفرصه يولع نارهـا
مارب وقع سدة مع الايام والاسباب فـار=وهذا تراه اقل شي اتحصله مـن فارهـا

رفيع المنزل

وصيتك ياعود عندي ماهي بذات اعتبـار=ماجيت غير اكحل عيون القوم والعن عارها
الحر في راس الجبل والبوم ملبد وسط غار=ولايشخص سبة العلـة سـوى بيطارهـا

شايب كم

اجل على القوه وشد الحيل قبل الانكسار=الحرب يبغاله ولد ماعاد عنـدي غارهـا
الحر يكفخ فالسماء والا المجنن في شهار=ويمكن تزاورها مع الايام وسط اشهارها

[زبن الجعفري العنزي]

ماغثني ياكود في تمجيد راعين الفـرار
ناس ٍ ليادرات رحا الهيجا تبيح اسرارها


شهار في ديرة هاك المذكور ويزوره جهـار
يغسل فمه عن هرجة ٍ ماهو علـى مقدارهـا



هههههههههههه

صح لسانك يارفيع المنزل يامجرم



ولا هان الشايب وصح لسانه

[فايز بن سرحان الثبيتي]

الحر يكفخ فالسماء والا المجنن في شهار
ويمكن تزاورها مع الايام وسط اشهارها


صح لسانك ياشايب


وصح لسان رفيع المنزل



محاورة رااائعة بيض الله وجيهكم عليها

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[سعد الحربي]

ياسلام ياسلام يارفيع المنزل
صح لسانك

شايب كم صح لسانك

محاوره جميله

[رفيع المنزل]

العمدة

صح بدنك واعجابك فخر


اسير القوافي

صح بدنك ومتابعتك وسام

شاعر شعبي

مشكور على التنسيق


راع الجدعا

صح بدنك يالذيب


ابن سرحان الثبيتي
صح بدنك ولاتهون


سعد الحربي

حياك الله وصح بدنك





جميعكم لكم الشكر والتقدير على المتابعة