سلطان الجذع
يالفالح اللـي لاتكـل ولاتمـل ولاتهيـد=واصحابنا أهل المنتدى عاقبتهـا وأذيتهـا
خيّل لك بنفسك على أنك كنك العالي رشيد=العنكبـوت بعينهـا لابيـتٍ الا بيتـهـا
الفالح
أنا ليا حصّلت لي فالمنتدى شاعر عنيد=سوّيت به سواتي اللي فيك قد سوّيتهـا
اللي يعاند مثل سلطان الجذع ما يستفيد=عيونه الثنتين قـد كحّلتهـا وأعميتهـا
سلطان الجذع
شكرك على الميدان ياحميدان والسيف الحديد=بعد الحصاه اللي من جبـال ألهـدا دربيتهـا
مادام عاندت الجذع ماحظك الحـظ السعيـد=وانته جروحك من زمانس فـات مادوايتهـا
الفالح
مضراب سيفي فالرّقاب من الوريد ليا الوريد=وانتـه تهدّدنـي بسكّينـتك ما حدّيتهـا
انته و عيد العازمي يومٍ جمعكم يوم عيـد=وأنـا ليـا حصّلتكـم ذبيحتي ذكّيتهـا
سلطان الجذع
من غير اكرر في كلامي ياولد ثعلي وأعيد=أثرك مجرم حرب ..بالسيف العباد انهيتها
لاجاك منا واحد ..يذكيـك تذكـاة الهريـد=انت المصايب كان ماجت لك عنيت وجيتها
الفالح
ألاّ على فكره لماذا تسرق ابيات القصيد=الناس ما تجهل بيوتي كل مـا غنّيتهـا
لو جت لك الدنيا على اللي تشتهي و اللي تريد=ذبحت لك ناسٍ على كيفك و ناس احييتها
سلطان الجذع
أسرق لو أني في بنوك العرف ماعندي رصيد=إنا الذي من حر مالي كـم نفـس اغنيتهـا
انته تعرف ان اطيب الفرسان صاحبك أبو زيد=يحي بفعلـه قـوم يالفالـح وقـوم يميتهـا
الفالح
يوم إنّ مالك حسب ما تزعم كثر مال الوليد!!!=وراك تسـرق ؟ والقضيّـه عندنـا تثبيتهـا
أهبّ لو انّك يابن عسّـاف ذو بـأسٍ شديـد=تحيّـة الاسـلام لـوّ تمـرّ ... مـا ردّيتهـا
سلطان الجذع
كل الحكي ينعاد وانا اخوك مايطلع جديد=شوف الاسامي .ذاهبه للغير لو سميتها
ماتنطقه محفوظ كله مع رقيب ومع عتيد=وكلمتك هذيه على غير السنع سريتهـا
الفالح
إيه اعترف باللي حصل لا ترتكي على الجحيد=قـدّام بكـره تقطـع يمينـك ليـا مدّيتـهـا
انا توقّعتـك كـذا واظنّهـا مـا هـي بعيـد=دايـم ظنونـي مـا تخيّبنـي ليـا ظنّيتهـا