العمــــــدة
قبل ننشد علي نستقبله بالود والترحاب=على فرش الكرامة ... والليالي تظهر الخافي
ليا ضيًع جميل المدرسة ثلّة من الطلاب=على منّ الملامة ... والليالي تظهر الخافي
علي فلاح العضياني
انا اقول الصحيب اللي يقدّر قيمة الاصحاب = يعز الله مقامه والليالي تطلع الخافي
قبل ندرس علاج الوضع لازم نعرف الاسباب = علي هذا كلامه والليالي تطلع الخافي
العمــــــدة
ثلاث سنين تدرس عندنا التجويد والاعراب=ومعطينك علامة والليالي تظهر الخافي
تفضل والسبايب عدها في شاشة المرقاب=قبل يوم القيامة والليالي تظهر الخافي
علي فلاح العضياني
ثلاث سنين و انته بينك و بين الرجال حجاب=حيا مدري رخامه و الليالي تكشف الخافي
قبل يوم الحساب المنتظر تبشر بيوم حساب=ما تسري بالسلامه و الليالي تظهر الخافي
العمــــــدة
تحت شمس الضحى باسم وجسم فالماقف الغصاب=ومثلك في منامه ... والليالي تظهر الخافي
تقوله عقب حطيت الشهادة داخل الدولاب=ترى ماهي شهامة ... والليالي تظهر الخافي
علي فلاح العضياني
تسمى بالاسامي وانت قاعد خلف قفل وباب = صقر مدري حمامه والليالي تظهر الخافي
اقول ابو بكر صديق والاّ مسيلمه كذاب = يصرّح فاليمامه والليالي تظهر الخافي
العمــــــدة
أبو مشعاب باسمه يا علي واللي معه مشعاب=لكن هات ابتسامـــــــه والليالي تظهر الخـافي
يضيع الطيب والمعروف في رجلً قصير اشناب=ولو يلبس عمامه والليالي تظهر الخافي
« آخـــر الـــمـــشـــاركــــات »
08-Oct-2009, 10:46 AM
العرض العادي
