باروود
ياسلام الله سلام من الراس امحكور=ردة تبنى على سلم سلّم واستلم
انت ياذيب الملاعب ترا مانت امعذور= كان ماجريت صوتك على روس القمم
ذيب الملاعب
مرحبا ترحيبة ٍ كلها شوق وسرور = هات علمك واستلمها بـ(لا) والا (نعم)
كان جريت العوا مع طويلين الشبور = قام حظي مع هل العرف واصحاب الهمم
باروود
احتزم لابارك الله بالرجل النفور = ودي اهدم لي كنيسه واحطم لي صنم
ماتو اللي لو تبو ر الليالي ماتبور = وش بلا اهل الزمل مايرغبون اهل لغنم
ذيب الملاعب
لاتوصّيني وانا قاطع ٍ جسر العبور = والكنيسة عام الاول ترفرف بالعلم
فرق واضح بين الاحياء وبين اهل القبور = والبنا يوم اكتمل جاه مزن ٍ وانهدم
باروود
عقب هذي يابن الاجواد ابنحر لك جزور = طاب كيفي من معانيك ولفاهم فهم
علم اللي كل ماشم له ريحة عطور = قل انالحالي ترا الصقر والباقي رخم
ذيب الملاعب
يمكن انّا غير هالـدور ناخـذ كـم دور = جاز لي محرافكم وانت شاعر محتـرم
واجد اللي يطفي النور في وقت السحور = كل ليله يحسب انه علـى راس الهرم
باروود
اّه ياشىء بنفسي لك الله لو يثور =شيّب اللي وسط الاحضان توه مانفطم
لكن ابصر وربك يعين اللي صبور = وان تهيا ماتهيا رفيقك محتزم
ذيب الملاعب
قالوا اللي يفقد الميّ يكفيه العفور = خلها ياصاح والله يرحم من رحم
والتصبّر فالبنادم يزيد النور نور = مدّ لي يمناك بالختم يامال الشحم
باروود
لاتدلهني بشغل على بند الاجور = لزم اسايرمن يساير وابظلم من ظلم
من خلقنا الله عزيزين بورود اوصدور = والقمرلوودهم يقسمونه مانقسم
ذيب الملاعب
منته مغيّر ترى شي من هذي الامور = طب وسط الناس ياصاحبي والا انهزم
لكن الدنيا تراها بخلق الله تدور = وشي ما هو للولي يارجل ماله طعم
باروود
ماقتنعت ابهرجتك لوترددهادهور = وماصدق من قال من ذل ياصاحب سلم
وش بلا ذيب الملاعب بتاليها يخور = يحسب ان الملعبه لعب في كورة قدم
ذيب الملاعب
اقتنع ياجعل ربي يجنبك الشرور = من قبل ياصاحبي ما نشوفك منصدم
الملاعب تالي الوقت صايبها فتور = والسبب من علة ٍ صايره وسط اللحم
باروود
خلها تقبس وناد المطافي والمرور = قالوا اهل العرف يكسب من اولها هجم
من يطيح امعركتنا عسى ماهوطهور = مايدس الراس عنتر وسيفه مانثلم
ذيب الملاعب
أنت يالبارود ثاير وصايبك الغرور = وانا خايف تالي اللعب يغشاك الندم
مايطيح الا الردي شي واضح وامخبور = وانت طاوع من تطاوع وقول (أبشر) و (سم)
باروود
ودي ازود على النار وتفوح القدور = ماتطفالين يفصل لحمه امن العظم
وانت من زعلت ربعك وباديك الدبور = مامشينا تبع تدري ويتلانا امم
ذيب الملاعب
انطحن حبك وباقي نحمس الك القشور = عزمنا دوب ابتدى يوم ماعندك عزم
من معه عقل ٍ ويقرا الحكي بين السطور = يدري ان السم ياصاحبي وسط الدسم
باروود
ويش فرق الصيدلي عنك يا(لبريسفور) = والمجازف بالعمر عنه مرفوع القلم
الدسم خله لنا واشبع امن(البيتفور) = ودربنامن خلقة الله لنا شوك السلم
« آخـــر الـــمـــشـــاركــــات »
16-May-2009, 04:02 PM
العرض المتطور
