رقم جوالي

[عبدالله بن طلال]

المشاركة الأصلية كتبت بواسطة النشمي

الله اكبـر كـل ماغـاب القمـر ياخـلـي=ون حصل طاريـك زاد الهـم والغربالـي
ان ذكرت اللي مضى يوم الزمن صاف اللي=تـذرف اعيونـي وتنثـر دمعهـا همالـي
يوم توعدني واجيـك مـن المحبـه كلـي=ون تباطيتـك ماجيـت ادزلـك مرسالـي
ياحسافه ليـت يرجـع وقتنـا اللـي زلـي=كل شين فيـه ياروحـي وعمـري غالـي
كل شين فيـه يشـرح خاطـري ويسلـي=وانت حالي يابعـد عمـر وشوفـك حالـي
يوم كلن يضحـك احجاجـه وفيـك يهلـي=مايضيق الصـدر فيـه ولايضيـق البالـي
مادخل وسط القلوب البيض حسـد وغلـي=والمحبه عندنـا المكسـب وراس المالـي
من وعد يصدق ويوفـي ياحسيـن الدلـي=مادخل بيـن العـرب نقـال قيـل وقالـي
حبكم وسـط الحشـاء تـل الظمايـر تلـي=وحـال مابينـي وبينـك وقتنـا الميـالـي
من نشدني قلت مدري عـن سمايـه حلـي=خوف لا تشمت بي اهل الحسد و العذالـي
جعل منهو لامني في صحته يعتلي=يمسي ابعقله ويصبح منه راسه خالي
جاني اعز اصدقـائ وقـال وشبـك قلـي=شايفك دايـم حزيـن وكـن فيـك اهبالـي
قلت مـن فرقـا وليفـن صـد مايرسلـي=والسبب من واحد ن حاكـم عـلاه ووالـي
مقـدر اصلـه ولاهـو مقتـدر ياصـلـي=ولي طلب عنـدك توصلـه رقـم جوالـي

صح لسانك يافحل


الجزالة تمطر دائما


من سمو الشعار الجزلين شرواكـ ياغالي



تقبل مروري المقرون بخاص تحياتي

[فواز علي الروقي]

هلا وسهلا بك

وتسلم يمناك لاعدمناك

ابداع والابداع فالك وليس بغريب عليك

دايما نتشوق لجديدك المفيد

صح لساااااااااااانك ولاهنت على ماقلت

قصيده اعجبتني ولاعليها غبار ولافي ذلك

شك لانها تدل على ان وراءها شاعر كبير

ومبدع فإلى الأمام اخي الغالي تقبل تحياتي

الشاعر : فواز علي الروقي