ديوان الشاعر الكبير بندر بن سرور العتيبي ( اسطورة عتيبه ) - الصفحة 4 - الهيـــــــــــــلا *** منتدى قبيلة عتيبة

دمعة الحاشي · 26-Aug-2003, 02:10 PM

(( الــشــاور غــشــاني))
من بلاد الشام جينا بالمكينه
فوق فرت ماتخثع بالطماني
يحتدي مثل الجمل تسمع رطينه
مع طمان القاع مثل الثعلباني
والشفير من المدارس مطلعينه
عيدهي يجدعه جدع الحصاني
قذلة الطربوش ناطلها يمينه
عن ظلام الليل شب الكهرباني
ماتجيه يسار رجله شوف عينه
غير يسر الطاركي باليماني
يوم قال له الخوي عاشت يمينه
شد رجله للكمك واحد وثاني
يالله انك تنصره من نصر دينه
ان عطى له مع غبا والا بياني
قلت يالمطنوخ انا عيني حزينه
عن شراب اللف ابيه وعنك كاني
قد رمى بالكيس قدمي قال وينه
دوك مابالجيب عن شي لهاني
يقصد الكبريت معي منه عينه
قد منا تلت غراميل متاني

قلت ثالث قال يالله لاتهينه
قلت خامس قال قير يطلب نقل ثاني
قالت واحد والكمك ظام المكينه
قال لي من يرحم القاسي لياني
قلت والله يرحمونه صانعينه
قد زعلت من اللهيب اللي غشاني
قال ماتاثق بذمه مقننينه
عن مشاور غير عرفي قد كفاني
قاطع عرقين مدري وين وينه
قد وصلت الأرض واسمع صوت ثاني
يوم يرفع موخره قو المكينه
يرتخي صدره وانا الشاور غشاني
قلت دوك اللف خابو شاربينه
غطني عن شوف شي قد غشاني
قال عن وقلت بأيا لحينه
قال قل ناسي خوي مانساني
قلت عاش الشيخ واللي ناجبينه
عادة الطيب اليا جا الجد عاني

ABUYAZEED · 26-Aug-2003, 04:20 PM

لاهنتotaibi بيض الله وجهك

القثامي2 · 03-Oct-2003, 02:15 AM

ويذكر ان قصيدته هذه التي قالها في الشيخ زايد , غناها المطرب الاماراتي عيضة المنهالي كأغنية وطنية

يقول بندر بن سرور:-

بديت بذكر اللي بسط سبع بأوتـــاد***واللي رفع سبع بليـــا عمدها

وانكار للي صار غيث للاجــواد***لا قبلها صــــارت ولا من بعدهــــا

زايد على كل العرب بالوفــــــا زاد***زاد المراجل لين وقف عددهـــا

هالحين حلـوٍ مر زراع حصــاد***كبـد يداويهــا وكبد لهدهـــــــــــــا

حتى العجــوز اللي ورا شط بغــداد***سمت على الشبل فلاح ولدهــا

تبغــاه يطلع مثل زايــد ولا فاد***لاكل من هاز الطــويلة صعدهــــــا

ياشيخ انا جيتك على غير ميعاد***من خوف روحي لا يجيها وعدها

الوليد الاسعدي · 15-Oct-2003, 10:31 AM

جهد مشكور وبيض الله وجيهكم ! الحقيقه ان الواحد يفخر ان يحضى المنتدى بالنوادر والمفقود بين الكتب .

صاحب الموضوع ابن نجد الله يحفظه :
ياليت لو تضيف كلمة ( رحمه الله ) امام اسم بندر بن سرور في رأس الموضوع .. حتى كل من شاف الموضوع ترحم عليه ليصله الخير وهو في قبره ولك الاجر .

الاستشاري · 18-Nov-2003, 02:50 PM

[poet font="Simplified Arabic,5,blue,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
يا رب انا لي حاجة صكة القوع=باقصى بحر تسعين صكة نحرها
اصعب على المخلوق من حبة الكوع=والا على الخالق بسيط دورها
كم واحد جت له بساتين وزروع=تراه ما يدري من اللي بذرها
ابن اللئيم مشارك الكلب بطبوع=عينه على حرمة قصيره نظرها
ما دارها خوف عليها من الجوع=خوفه تفوته غرة ما سبرها
[/poet]