العمــــــدة
يا لمهندس بيع واشتر ليا جا لك خراج=لا تذرى عـن مراجلك في ظل البيوت
مرك الواجب ولكن عقدت الحجـــــاج=قلت انا دوبي ودب السوالف والبلوت
مهندس القاف
يالمحرج لاتنادي مهندس للحراج=المهندس يبني السد للسيل النحوت
واجبي ماهوب كبسه على فرخة دجاج=انتظر لي واجب من كبيرين البخوت
العمــــــدة
المنادي لج بالصوت في كل الفجاج=والمساجد ما تبطل صلاة ولا قنوت
مار بين الناس شاوي وهمه فالنعاج=ملتزم بحدود بيته وخايف لايموت
مهندس القاف
للصلاه شروط ماهي على حسب المزاج=واختلافي في العقيده مع الشيعه ثبوت
فيه بين الناس من يارد العد الهماج=حده السيف الحدب للمضامي والوقوت
العمــــــدة
هد فالسرعة وصك القزاز عن العجاج=قبل اقول انك مع الخلق صورة دون صوت
ان عزلت النفس والناس في حال اندماج=حظك يثبتك تثبيت وايامك تشوت
مهندس القاف
صورتي صورت ملك لابس بدله وتاج=صجته طبله عرب مايعرفون السكوت
واشقر الجنحان ماله مع امثاله مداج=والطيور الي معك عنك لايمكن تفوت
العمــــــدة
لو ابا اقدم على ما بدر منك احتجاج=واتعمد فيك واشكيك عند اهل البشوت
عشت باق العمر محكوم في سد السياج=واستملت اللي يليق بك من بين الكروت
مهندس القاف
اكتب اللي في ضميرك على نور السراج=للصحيب وللمعادي لخصمك والشموت
ماحسبنا للسياج المصمم من زجاج=نكسر المبنى ونقطع خيوط العنكبوت
العمــــــدة
المداوي من صوابك كثيــر الانزعاج=له ثلاث ايام مركي عليك العنزروت
مار لابده مع الوقت يلقى لك علاج=لو سقاك الادوية كلبوها و الزيوت
مهندس القاف
المداوي فيه رعده وفي قلبه خلاج=فات حينه عقب ماخش له في بطن حوت
مانت يونس يوم شفت البحر والموج هاج=جيت في الظلمه ولا شفت نور ولانجوت
« آخـــر الـــمـــشـــاركــــات »
10-Dec-2009, 12:08 PM
العرض العادي
