سعوود العصيمي=
مرحبا عند مروية السيوف = فالنهار الكبير الاقشرا.
ابتدى القاااف غني ياصفوف= والوعد قدم مانرجع ورا.
حااااكم الغنااااامي=
البقا ميـر ماحنـا ضيـوف=دارنـا بالضيـوف معمـرى
يالعصيمي تشوف وما تشوف=شب نارك ترى ليلي سـرى
سعوود العصيمي=
أنت غالي ورجال معروف = من درا يخبر اللي مادرا.
وأنت تكتب وتقرأ فالحروف = مار مانته برداد البرا
حااااكم الغنااااامي=
اترك اللي كما شغل الهنـوف=مخفي الوجه والثوب اخضرى
مانلحق على مثلـه حسـوف=ندفن القوم في كبـد الثـرى
سعوود العصيمي=
وانت يازين وصفك فالوصوف = من ذرا ياصحيبي في ذرا.
تستعي فالحرم والا تطووف = بنت ابو زيد غيري ماترا.
حااااكم الغنااااامي=
تحسبنك على صفحـة قطـوف=تكبـر بحـال واخـر تصغـرى
كيف ياهل الحسا من دون صوف=تصنعـون المشالـح والفـرى
سعوود العصيمي=
لاتفلسف ولاانت إبفيلسووف = من هو اللي يقضك ياكرا.
ماسكنا الحساء والا الهفووف = نصنع السيف قطاااع العرا.
حااااكم الغنااااامي=
المعالي تبى رجـلٍ شغـوف=سوقها بين بيـع ومشتـرى
تجزع الرجل نظرات الضعوف=لامشـا فالطريـق الايسـرى
سعوود العصيمي=
نوفي الوزن ونعدل الكفووف = وانته اكبر موظف فاسترا.
بعد حوّل شدادك للردوف = مابغيناه والجاري جرا.
حااااكم الغنااااامي=
لو نحوف الشواوي وش نحوف=ناقةٍ حايـل ونـوب اعشـرى!
ماعلى نجد من وطي الخفـوف=حكمهـا بالبـريـع الابـتـرى
سعوود العصيمي=
والله إنّا مانخطبها نصووف = كلبونا مشايخ وأومرا.
خوف من يمكم مافيه خوف = وانت ذكرتني علمٍ طرا.
حااااكم الغنااااامي=
وش علام القمر عقب الخسوف=يـوم طافـي ويـوم منـورى
لو نحـط الرسالـه فالظـروف=مـن قراهـا تمنـى ماقـرى
سعوود العصيمي=
خل هاذي عليّه ماتطوف = تبطي وجرح قلبك مابرا
التعب معك ماهو بمخلوف =ليش يابا الحصين الازهرا
حااااكم الغنااااامي=
المنيحه ليا صارت عطوف=نشرب الدر والشاعر يرى
استرح ماذبحك الا الوقوف=ماش عندك علومٍ تذكـرى
« آخـــر الـــمـــشـــاركــــات »
15-Sep-2009, 11:56 PM
العرض العادي
