سلطان بن دحيم
الا يا ابو لمار اكرب حزامك والوعد قدام = ابى اسولف معك وانشدك عن هاذي وهاذيه
ترا عمر البشير اظن تاليته مثل صدام = طلع فالشمس من فعله و فارق بارد الفيه
ابو لمار
ابن دحيم شاف نفسه بعد ماعطوه الوسام = يحسب ان الوسام ايجيب له عشرين جنيّه !!
صدام مامات الا بعد شهر سيفه على الاجرام = مجاهد والمجاهد حسنته تدمح مية سيّه !!
سلطان بن دحيم
طبيعي تحسد العملاق دامك ريس الاقزام = وانا من خلقتي ناري مع اهل المرجله حيه
ترا صدام خالف يالسنافي منهج الاسلام = واذاتبغى الصراحه منهجك يا صاحبي زيه
ابو لمار
على ايش ابنحسدك ياعايش الاحلام والاوهام = كشفك الشاعر اللي قال عرفك ناقص اشويّه !!
يسدّه من فعوله لوّحطّم جملة الاصنام = لو انك فيك شي" من وصوفه تحمي الهيّه !!
سلطان بن دحيم
اثرك الله يبارك فيك لاباني ولا هدام = تقدم حجة(ن) يا صاحبي ما هيب شرعيه
بعد ما كرومك الناس قمت تثور الالغام = يا شين المنهج اللي تسلكه يا مخلف النيه
ابو لمار
كثير اللي يشيل البندقه مثلك بدون احزام = واظن البندقه جاته من اهل الخير عاريّه !!
انا ربي مكرمني ولا اقبل كسوة الايتام = ترى بيني وبينك قسمة" ماهي بمسويّه !!
سلطان بن دحيم
ما دام انك طويل لسان فلحس نار ابو عرام = ولو انك مصيبه عندنا ما تعتبر شيه
عيونك حاير(ن) فيه دموع(ن) من زمان العام = تبي لك مشلح(ن) ما هوب للناس للشريطيه
ابو لمار
طويل السان وذراعي طويله تلطم اللطام = نصيحه لاتحداني واسوي فيك اماريّه !!
اخذها كاش ياسلطان ماتستاهل الاكرام = يصح الصح والشرطه يجيبون الحراميّه !!
سلطان بن دحيم
ترا طول اللسان مع الشرورد اللي بدون عضام = يا ابو لمار منكم ما نبي رحمه وماويه
دليل انك تحس بنقص مير اقول ما تنلام = عطاك الله يدين(ن) قاصره ما تلحق يديه
ابو لمار
لسان المعرفه لو طال سدّ الماقف اللزّام = دروب الحق سيده والدروب العوج ملويّه !!
تقوله والعرب تعرف قليل العرف والاعلام = وعندك رخصة" في مثل هذا العلم دوليّه !!
« آخـــر الـــمـــشـــاركــــات »
28-May-2009, 11:07 PM
العرض العادي
