فهد الطوير الجبلي
نبا شاعر يناقشنا ولكن لنقاش اشروط=يجنبنا كلام الذم و التلفيق واشرطها
عتيبه مالها حظاً معـا المطران وقت الشوط=زماناً فات روس اشيوخها حنا نمشطها
سلطان الجـذع
انا جيتك وابا أقدم لك المقسوم والمصفوط = ترانا كل قومٍ فوق واجبها نقلطها
وصلنا للثريا وانت قدرك فالثرى محطوط = دميّ مطير ليا سمعت بنا يكثر تجلطها
فهد الطوير الجبلي
تقوله يا العتيبي وانت تحت اسمك ثلاث اخطوط=كشف حقدك جهاز القلب وارسلي مخططها
انا ما ودي الهيلا تشوف اسطورها مربووط=غلطت ولازم ايدينك ورجلينك نربطها
سلطان الجـذع
ترى علمٍ تقوله يالطوير مع العرب ... مغلوط = عيال مطير للعلم الهزل ربي مسلطها
حرامٍ من حزامي ماتروح وخاطرك مبسوط = انا لاجتني الجهال بالبارود أصعطها
فهد الطوير الجبلي
هروجي تزعل الي فوق علباه الحمر ممحوط =وعيال امطير معروفه شمال الدار و اوسطها
تقوله وانت قلبك من مطير وذكرها مفروط =صغيرنا ليا ناطح عتيبه دوم يفرطها
سلطان الجـذع
هروجك ماتزعل وانت حرفينٍ بدون نقوط = عباتك .. رايحه حتى المخيط مايخيّطها
مالومك يافهد خابرك من وقتك علاك ضغوط = ووقفاتك تفشل ربع بن لامي وتضغطها