هذه المحاورة من المحاورات التي اعتز بها مع الشاعر الكبير مرزوق العتيبي استاذنه في تنسيقها وللمتواجدين الشكر
رفيع المنزل
سلام فاح بريحة العود من شاعر ٍ بالشعر له شان=يعرف دخوله من خروجه سلام فاح بريحة العـود
النقص يامرزوق والزود مايجتمع في كل الاحيان=وانته تزيد العوج عوجه النقص يامرزوق والزود
مرزوق العتيبي
بيض الليالي تتبع السود .. يامرحبا والطيب عنوان=والكون يامكثر فجوجه ... بيض الليالي تتبع السـود
يا صاحبي منته بمحدود .. ترمي بنفسك وسط بركان=والبحر لن غطاك موجه .. ياصاحبي منته بمحـدود
رفيع المنزل
ياشاعر ٍ مانته بمحسود دام البقا والهرج نيشان=احفظ ملفك في دروجه ياشاعر ٍ مانته بمحسـود
حنا لقينا رسوس وعدود والرس ماينصاه ظميان=والنفس ماهي بمحروجه حنا لقينا رسوس وعدود
مرزوق العتيبي
الحاسدين بعينهم عود ... ياللي تردد كـان ماكـان=ياشاعر ٍ ماكثر هروجه ... الحاسدين بعينهم عـود
قولك ترى علاك مردود .. ياللي بوجهك كل الالوان=تنقل خبر من كل موجه .. قولك ترى علاك مردود
رفيع المنزل
خبري بك اول تقدح زنود واصبحت فاضي وانت مليان=خل الزعل ماانته بحوجه خبري بك اول تقـدح زنـود
عز الله انك صرت مقرود من قمت تتبع كل شيطـان=شوف السما واحسب بروجه عز الله انك صرت مقرود
مرزوق العتيبي
كلش ترى له حد محدود .. لكن نحفظ قدر الاخوان=لو الوطن كثرة علوجه ...كلش ترى له حد محدود
مانيب تابع كل منقود .. ياللي رميت بغير ميـزان=تغلط وفي هرجك لزوجه .. مانيب تابع كل منقـود
رفيع المنزل
اتقولها والوضع مفقود والزود اشوفه صار نقصـان=ليتك توزى لك بـلوجـه اتقولهـا والوضـع مفقـود
هرجي صحيح وعندي شهود من ربعك الوافين عتبان=مار انت مخك فيه سوجه هرجي صحيح وعندي شهود
مرزوق العتيبي
حنا نعرف سعيد وسعود .. ونوثق الحجه ببرهان=واللي تحدانا نسوجه .. حنا نعرف اسعيد وسعـود
يالمتهم لو تجحد اجحود .. الناس شايفتك بالاعيان=تمشي وثوبك فيه روجه .. يالمتهم لوتجحد اجحـود
رفيع المنزل
من وقت عاد ومن زمن هود هرجك كذا من هاك الازمان=وضلع الذيابه ماتدوجه من وقت عاد ومن زمـن هـود
الكبتن ومعجب مع سعـود نـاس ٍ يدلونـك للاحسـان=اثريك مشيتك معروجه الكبتـن ومعجـب مـع سعـود
مرزوق العتيبي
فيك الرجاء ماهوب معقود .. منت بمخلص كل ديـان=زرع ٍ زرعته وش نتوجه .. فيك الرجاء ماهوب معقود
اللي ذكرت ابطال وفهود .. درعي لاجا بالكون دخـان=منهاجهم ماطيب نهوجه.. اللي ذكرت ابطـال وفهـود
رفيع المنزل
ترى الرجا في رب معبود وانته غناوي صار فقران=والقطب ماماعت ثلوجه ترى الرجا في رب معبـود
نعم ٍ بهم والفعل معدود لادق زير الحرب فرسـان=وانته كما صياح مخلوجه نعم ٍ بهم والفعل معـدود
« آخـــر الـــمـــشـــاركــــات »
24-Oct-2008, 02:57 PM
العرض العادي
