عتيبة من الطايف إلى ساحل الدمـّام ..

[سليل سيوف]

المشاركة الأصلية كتبت بواسطة وصل العطياني؟؟؟

السلام علاكم

أسعد الله أوقاتكم بكل خير ...

في الحقيقة لا أحب كتابة المقدّمات لقصائدي ولكن ..!!

بلغ بنا الأمر إلى درجة إن نتعرّض للظلم عياناً بياناً ...

دون مراعاة لمشاعر وعقول كلّ شخص ملمّ بالشعر ...

ولعلّي اختصر كلامي في أن ماتعرّض له الشاعر : يوسف العصيمي

يعتبر ظلماً صريحاً < تصحي منه السماء >

ولكن ليعلم كلّ أولئك أن ذلك لن ينقص من مكانة هذا الشاعر بل يدعو إلى الإلتفاف حوله ..

كما أننا ومن خلال هذا الصرح الشامخ سوف نقدّم كلّ مايثلج صدوركم وهذا أول الغيث :

يا يوسف عداك اللوم يالشاعر المقدام=تجمّلت عز الله وحنا تجملنا
كسبت القلوب اللي لجزل القصيد حيام=ولن روّح المليون عساه ما ثنـّى
دراهم ماغير حطام دنيا وأخسّ حطام = ماتسوى قدم واحد من أطرف قبايلنا
عليّ الملازيم إن رزّاق جاب غلام=رفع رأس ابوه وروسنا يوم مثلنا
وسلام على التحكيم يا لجنة الحكام= فشيلة يا رب تجيرنا لا تفشلنا
عرضتوا ذممكم للمحرّج وللسوّام=تقال إنكم تبغون شيٍ يزعلنا
رضينا بالأولى والرضا سيّد الأحكام=وصبرنا على الظلم العظيم وتحملنا
صبرنا عسا تحيا ظمايركم النيـّام = ولكنها ما عاشت , الله يامنــّا
خبصتوا سوالفكم ولخبطتوا الأرقام=مثل قصّة اللي تخلط الكحل والحنـّا
وبعد إنها زادت عن الحدّ ما نلاّم = عسا الله يهين أرواحنا لن تهاونــّا
لا والله نردّ الصاع صاعين للظلاّم = ونعلن مع المظلوم كامل تضامنــّا
قبيلة بكاملنا نقول الوعد قدّام=ويا جاهلٍ فينا نعلّمك من حنــّا
ترانا عتيبة واسمنا يرعب الأخصام=هل الأولة من يوم كنـّا ولا زلنا
صناديد , ضربتنا تخلّ الجموع أقسام=لو إنّ الجبال رجال تعجز تقابلنا
اجل كيف يوم إنــّـا نحوّل على الاقوام=ما كنــّا سوى عذابٍ الله منزّلنا
كسبنا مراجلنا من الواحد العلاّم= عطانا وتالينا ورثها عن أولنا
وراثة عن الجدّان ماهي حلال أيتام =نبيع العمـار ولا نضيّع مراجلنا
وحتى التـّراب ليا وطيناه بالأقدام = يفحفح بريح الطّيب والهيل والبنـّا
وحنا بحورٍ موجنا يغرق العوّام = وحنا الرعود اللي يزلزل تزلزلنا
حزامٍ لمن خلاّه وقته بدون حزام = ومن ضدّته صكـّات الأيام يزبنــّا
وعلى قمـّة الشعر الجزل نرفع الأعلام=وبنينا لنا حصنٍ حصين وتمكـّـنــّا
من أيام كان الشعر وسيلة الإعلام=شيوخ العرب تشتاق تسمع مثايلنا
مثايل نسخّرها وتخضع للإستسلام=ما تقدر على المنحاش منـّا ولا منــّا
لو إن الشعر حرٍ يرامح بدون خطام=معفــّى يدقّ الرّقص في الروض ويحنــّا
ليا شاف له شاعر عتيبي ؟ برك ما قام = دقيقة فقط تلقاه مخطوم ومثنــّى
ولوّ أجزل الأبيات كفــار بالإسلام = بنظرة وإشارة واحدة قالوا آمنــّا
ولو الأدب والشعر يعطى له إستحكام = أخذناه بالغصبا عن الإنس والجنــّا
ليا صار فرعون إمتلك مصر والأهرام = ترانا على شبه الجزيرة تفرعنــّا
هذا حالنا الحاضر ومن ماضي الأعوام = على العزّ ودروب المعزّة تفنـّـنــّا
ولا غيـّرت فينا الليالي ولا الأيام = مرسـّين بأعلى مرتبة مثلما كـــنّا
تزول الجبال اللي حصاها تقول خيام=وحنا على الامجاد باقين ما زلنا
ولا همنا الاقزام ما ادراك مالأقزام = قطعنا لهم مشعاب من طايل الفنــّا
عصاً كنــّها عجرود حاشي ولاد العام = نحامي قليلين الحلا بالعصا عنــّا !
وحنا رياجيلٍ نعيش ونموت إكرام = وعدواننا ما تأخذ الزايدة منــّا
عتيبة من الطايف إلى ساحل الدمّام=لو إنــّا نعيش أفرع تغطرس يحقّ إنــّا
يموت العتيبي رافع الراس ما ينظام = مانخضع سِوى للي خلقنا وفضّـلنا

تحياااااااااااتي

ول

ول

ول


عسى الله ما يعوقــك بشــر ...


انت ونعــم و يوســف ونعـم ..


تحيتي لبوحك العذب وصح الله لسانك مدد بلا عدد ..



اخوك
سليــل سيـــــــــــوف

[مرزوق حمدان العتيبي]

قبيلة بكاملنا نقول الوعد قدّام
ويا جاهلٍ فينا نعلّمك من حنّا
ترانا عتيبة واسمنا يرعب الأخصام
هل الأولة من يوم كنّا ولا زلنا
صناديد , ضربتنا تخلّ الجموع أقسام
لو إنّ الجبال رجال تعجز تقابلنا
اجل كيف يوم إنّا نحوّل على الاقوام
ما كنّا سوى عذابٍ الله منزّلنا
كسبنا مراجلنا من الواحد العلاّم
عطانا وتالينا ورثها عن أولنا

....
.
وش اقول يابو مشهور
رايي وسمعته اثناء المكالمه ...
.. راية الشعر ايوه الجهبذ
... جزاله لاتضاها ... بيض الله وجهك
الى ماله نهايه ...
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابو غصين]

[افتخر بهذه القصيدة والتي تدل علي الوقفة بجانب اخونا يوسف واتمنا من شعراء عتيبه ان يتحركوا لنصرةاخونا يوسف

[ابو غصين]

رايتك بيضاء ياإبن مشهور وبيض الله وجهك على هذه الوقفه بجانب أخونا يوسف واتمنى من شعراء عتيبه ان يتحركوا

لنصرة شاعرنا

وتقبلوا تحياتي

[ابن مشيب]

عصماء وفي الصميم , متميزة كتميز شاعرها , صح السانك ودام إبداعك ياوصل

تحياتي

[سالم المقاطي]

ترانا عتيبة واسمنا يرعب الأخصام
هل الأولة من يوم كنّا ولا زلنا
صناديد , ضربتنا تخلّ الجموع أقسام
لو إنّ الجبال رجال تعجز تقابلنا
ليا صار فرعون إمتلك مصر والأهرام
ترانا على شبه الجزيرة تفرعنّا
ولا غيّرت فينا الليالي ولا الأيام
مرسّين بأعلى مرتبة مثلما كنّا
تزول الجبال اللي حصاها تقول خيام
وحنا على الامجاد باقين ما زلنا

بيض الله وجهك يا ولد العم

[ابوفهد العتيبي]

صح لسانك

مار تركو القصيد وركزو على التصويت تكفون ياعتابه

[خبروها بالغلا]

يموت العتيبي رافع الراس ما ينظام=مانخضع سِوى للي خلقنا وفضّلنا

وانااااااااا اشهد يالقرم


صح قلبك وكل كلك


استاااذ ياوصل استااااااااذ

[العسيلي @]

عزلله جزلله من راس جزل
اخوي اوصيك في العام الجاي ادخل شاعر المليون

[فهد القثامي 1]

كفوا يا ولد العم

وبيض الله وجهك