فهد الشهيب =
ياسعود العصيمي قوم للعـب ساعـة=دام باعك مع اهل المعرفة مثل باعي
بعد زرت الحرم شفت الخلل فالجماعة=في طواف القدوم وفي طواف الوداعي
سعود العصيمي =
كل رجال دايـم نجدتـه مـن ذراعـه=والله انه يعز اللي يـدوس الافاعـي.
صل وسط الحرم والضلع تعرف سباعه=واهجم مع الهجوم ودافع مع الدفاعي.
فهد الشهيب =
الغنايم غدت ياصاحبي مع قضاعـه=وانت فزعتك معهم لو ماانتب قضاعي
كيف اصلي وامام القوم صايبه راعه=والمصلين فالساحة عـراة ٍ جياعـي
سعود العصيمي =
فزعتي مع بني عمي ماهي مع خزاعه=وان سعينا سعينا مع حميد المساعـي
انت لاتحسب ان العلم شريه وباعـه=والقمر مايحجبـه يالثبيتـي شعاعـي
فهد الشهيب =
الحقيقة بني عمك تعيش المجاعـه=وانت لاحوالهم واوضاعهم ماتراعي
وان نشدناك قلت انا حفظت الوداعه=شيخ لكن لاجا العلم ماانته مطاعي
سعود العصيمي =
مالحقهم خلاف ولاعليهـم هزاعـه=وانت لاتدعي بالعلم من غير داعي!!
انته ازرع مع الزراع وقت الزراعه=والزراعه لها بنك يعين الزراعـي!!
فهد الشهيب =
لو نشدت الطبيب اللي يعرف الاشاعه=قال فيهم فقر فالدم والشيـخ راعـي
لو زرعنا الركيب ولو صنعنا صناعه=في قليل الوفا جهد الطحاطيح ضاعي
سعود العصيمي =
ياوسيع المعرفه خـل عنـدك مناعـه=ماتموت الشجاعه في خلايا الشجاعي!!ّ
من صنع له صنيع ومن فعله شجاعـه=شاع صيته وجاب المرجله بالذراعي؟
فهد الشهيب =
يابلدنا عليك ابليس يضفـي شراعـه=صار فيك النزاع ولايفض النزاعـي
الشكالـه شكالـه واللكاعـه لكاعـه=لاوصلنا الصراحة ذكر الاثنين شاعي
سعود العصيمي =
يابلدنـا عـدوك مايحصّـل طماعـه=لو نجمه سما حوّله في جـوف قاعـي
حظك اللي طرحك ببئر مااشوف قاعه=منه مايظهرك ياكود دفع ٍ رباعـي!!
فهد الشهيب =
البلد صار فيه الخبل راعي بضاعـه=عان سوق الغلا ينعاه فالوقت ناعـي
ضاق معك السما والكون عقب اتساعه=يوم حدوك مامديت لو ربع صاعـي
سعود العصيمي =
الخبل ماوصل راس الجبل وارتفاعه=مايكب الوعر وفجوج ربي وساعي.
مايضيق الفضا بالسبع سبع السباعه=والسباع انحسبها ماحسبنا الضباعي.
فهد الشهيب =
لاتقوله وهو معزوم فـي كـل قاعـه=لابس ٍ بشت ويسولف وهو غير واعي
العوض ياعميل الخير ولا القطاعـه=كان وانك من اللي يعرفون السباعـي
سعود العصيمي =
الدليل الضعيف ايزيد ضاعتك ضاعه = ماتقاس الرجال بلبس هذااقتناعي!!
وانت لن كان ماعندك بعلمي قناعه = اطلب العلم والا ّ اشرب حليب المراعي؟
« آخـــر الـــمـــشـــاركــــات »
02-Dec-2010, 03:37 AM
العرض العادي
