يا مركز السيل اطرح الدباب

[محمد العتيبي]

ياسلام ياسلااام

ولا زال التحقيق جاري

..

التوقيع

للتواصل عبر twitter تويتر al_bargawy@

[رعد الروقي]

لولاي رحت لمجلس النواب=يمدي ولد بقعا ركز ساقه
يا استاد لو فكيت للطلاب=مدخل صغير يصعب اغلاقه

[محمد العتيبي]

العمده

يا مركز السيل ألحق الدباب=عان البلا في جيب سواقـه
عدى شبيب وفات من شبّاب=عريبيا تشكي مـن الفاقـه

معجب العتيبي

قدام عين العسكري ماغاب=لو سكر البيبان والطاقـه
وعريبيا مايحسبون حساب=للي حياته ضحك وطفاقـه

العمده

ان كان شفتوا حملة النصاب=وشلون ما شديتـوا وثاقـه
الثعل ما يلعب باسود الغاب=يا جاهلين الفحـل والناقـه

معجب العتيبي

لاتطرح المجرم بوزن ذباب=خله وراقب واطرح رفاقـه
ترا الاسد لاطلع الانيـاب=لاتقول يضحكلي وتشتاقـه

العمده

لا فات منك الفوت راسك شاب=وامسيت ثوبً فـوق علاقـه
لو كنت نايم قلت نومك طـاب=مصيبه انك كاشـف اوراقـه

معجب العتيبي

دام السما فوقه وتحت تراب=يبطي وطعم النـوم ماذاقـه
صاحي معه واثبّت الاسباب=عشان مااندم ساعة احراقه

العمده

لولاي رحت لمجلس النواب=يمدي ولد بقعا ركز ساقـه
يا استاد لو فكيت للطـلاب=مدخل صغير يصعب اغلاقه

[شـــلـــهوب]

لولاي رحت لمجلس النواب
يمدي ولد بقعا ركز ساقـه


هههههههههههههههههههه

محلس نواب ومجلس أماره الله يستر منك يالعمده اعتبرني صديقك من اللاله ههههههه

[رعد الروقي]

ههههه

معجب


لا ماهم متفهمين بلشت معهم سين جيم واخذوا اثباتي وطلبوا كفيل علي هههه



محمد العتيبي


ارحب ارحب تراحيب المطر


سعداااء بتواجدك الذي يعتبر مكسب

[رعد الروقي]

اتشرف بك يا شلهوب وخلك قريب مطلوب علي كفيل واثنين شهود عدول ومزكي

[شـــلـــهوب]

ابشر بسعدك هذي ورقه من العمده ياعمده وهذي الهويه وهذا أنا كلي بين ايديك هههههه

[معجب العتيبي]

ماني بخابر عمده ونصّاب= يامال فرقا العين وفراقه
نصيحةٍ حلوه وفيها عتاب=والناس للاسلوب ذواقه

[رعد الروقي]

طمن فوادك من رماح ذياب=بينك وبينه حلف وعلاقه
والا لو انك من فريق اجناب=لابد راسك تكثر افلاقه

[شـــلـــهوب]

حمي الوطيس



يالله ياكريم