عبدالله الاصعر
الليل يامعجب تقدم ويش عندك من علوم=ترى العلوم الطيبه حمض الرجال وذوقها
يانجم ياللي في سماك وبارز(ن)بين النجوم=مار القمر لا بان يامعجب يغطي فوقها
معجب العتيبي
يامرحبا لو ان بعض الناس ما مر السلوم=والناس مثل الناس ماترضى تضيع حقوقها
جيناك يا الاصعر ولاجيناك ماتقدر تقوم=ياصاحبي والناس يظهر سرها منطوقها
عبدالله الاصعر
عليكم اسلم يامعجب كل ليل وكل يوم=والناس في رد التحيه ماتفك حلوقها
دافع يامعجب داخل الميدان ماتصلح هجوم=جبهتك قدامي لاتضهرها تزين فلوقها
معجب العتيبي
عليك ردينا السلام ولاصحيت من الحلوم=يالشاعر اللي بالعيون الناس قمت تحوقها
ولدت في ديره مع الشعار واصبحت محموم=ودك تغني كل ساعه والحروف تسوقها
عبدالله الاصعر
هيا ابتل الطرقه بعيد بعيد لا تقعد تعوم=بعض السلع في ديرة الهيلا مايمشي سوقها
الله يبارك في الرجال اللي يسدون اللزوم=اللي عباتك كل يوم ايرقعون افتوقها
معجب العتيبي
مريت بالسلعه ياعبدالله على عين العموم=ليتك مشاورنا قبل . عل العقول تروقها
الله يبارك في يميني حققت زين الرقوم=يوم ان غيري باخر الطابور تمشي نوقها
عبدالله الاصعر
الجادل اللي خدها تزهاه زينات الوشوم=ماهيب يمك وانت يارجال مانت بشوقها
انته تقوله مير ماشفتك تريست لك قوم=العهده اللي معك لابن سعود اخاف تبوقها
معجب العتيبي
الجادل اللي عذبت قلب المعنّى والقروم=هي دورتني لاتحسب انك تجي معشوقها
معميك ربي ماتشوف من المشاكل والهموم=لكنّ خل اسرارها في صمت في معلوقها
« آخـــر الـــمـــشـــاركــــات »
17-Apr-2009, 02:04 PM
العرض العادي
