حاكم الغنامي
انا الليله نويت انحت على صم الجبال حروف=على مر الزمن ماتمحي لـو كـان ماكانـي
نصيبك يالعصيمي ملتوي مع هيئه المعروف=ومنك الكل زاعل فالبلـد والشيـخ زعلانـي
سلطان العايضي
وانا الليلة نويت اسل في وجه السيوف اسيوف=وفعل السيف يبقى ماتغيـر طـول الأزمانـي
تعبنى والتعب ماهوب في بعض العرب مخلوف=ياحاكم وصل الكلمة لهـم واحـد ورى الثانـي
حاكم الغنامي
ترى ودي بسيفك كل مخلـوقٍ تلوفـه لـوف=ولكن وينك انت ووين ضرب السيف شاماني!!
توقع ياولد عايض وقافـك لايجـي مكشـوف=ترى ماودي اضّحك عليك الناس مـن دانـي
سلطان العايضي
انا فعلي مجرب وانت من فعلي ذبحك الخوف=لاكنك لاتجي فالدرب من شانك ومـن شانـي
بعد حطوك مشرف وضحكوبك والرجال تشوف=وعـدوك الوسـام وسكتوكـم يالعريبـانـي
حاكم الغنامي
يحّزن خاطري لاشفت مثلك فالزمـان ضعـوف=تحرى لقمةٍ راحت عشـا فـي بطـن جيعانـي
هذاه اسمي وسامي فيه من وصفه علي وصوف=ويكفيني ويفـرض هيبتـي فـي كـل ميدانـي
سلطان العايضي
نزلنا نجد وانتة من علوم اهل الوفاء محذوف=ترى المسكين مثلك كلمتة ماهيـب تعنانـي
هذاه اسمك لكن الليل جاكم من يحوفك حوف=بعد دفوك يمـي وانـت لاهـادم ولا بانـي
حاكم الغنامي
صحيح انك يابن عايض ..مغفل ..جاهلٍ ..ملقوف=على شـان الثـلاث الفايتـه سمـوك سلطانـي
ماهوّ ذنبي خلقك الله بـلا راتـب ولا مصـروف=على الله رزقكم ياللـي بـلا بـارود وحصانـي
« آخـــر الـــمـــشـــاركــــات »
02-Feb-2009, 09:57 PM
العرض العادي
