مرحبا يالمطيري في ديار مطير === ديار مطير العام واليوم لروقة

[لورانس روق]

كنت أتمنى أن يبقى الموضوع في منتدى المسابقات الشعرية نظرا لأن هناك الكثير يتابع ذلك الموضوع

[ابو سعد الدلبحي]

لورانس روق
الله يعطيك العافية يالغالي

[ابو محمد الدعجاني]

قالها الشيخ تركي بن حميد الله يرحمه
جانا الصعيري قال صولوا وصلنا@صلنا نحسبنه على راي تدبير
واثر الصعيري فزعته ماج عنا@واقفن ظعونه عقب ماهن مناحير
ومن عقب هذا لا مطير وحنا@لا قرب جد ولا بهم نية الخير
مشكور يا خوي لورنس روق على هالموظوع
وبعدين حنا موجعين جدانهم من قبل لا يحطون منتداهم هذا انا مسميه منتدي
الكذب

[لورانس روق]

هذه ابيات للشاعرة المطيرية طفلة بنت الدويش تبكي عندما قامت عتيبة بتنزيح مطير عن كشب واسفل نجد ذكرت بعضها سابقا والشكر موصول للأخ حاتم العطاوي لأنه ذكرها كاملة

نوردها للتاريخ فقط

أنا ورى ماأبكي وتبكي ضمايري = على منهلن قيد القعود رشاه
ابكي على مران عد ٍ به الروى = والحفر يعذا للعليل بماه
واقبا ليا جينا ورود ٍ من = الجوامايلحق الغراف غاية ماه
وسجا مرب القود عن ديرة الوبا = نقفي على ساق العناب* وراه
وعفيف ماعاد المطاري بواردهأ = لا انفهاقه وانقلاع نياه
من دونه عتيبه حدتنا خيوله = مويحدنا غير الخيول رماه
محدارهم ضاف ٍ على نجد كله = نجم ٍ تحدر من علو سماه

_______________________________________
*ساق العناب : هضبة معروفه باسم سويقه جنوب غرب عفيف

[عبدالرحمن الهيلوم]

مساءكم الله بخير

وكل عااام وانتم بخير يالغالين

ومطير وعتيبه والقبايل مطيتها واحده

خلوووونا نترك الجاهليه وحنا وانتم

رسول الهدي قاااال //


دعوووها فانها منته

الانفس اماااره بالسوء

وصدق ابو العتاهيه //

اشد الجهااااد جهااااد الهوووووووي
اسال الله ان يصلح شاننا جميعا
ويطهر القلووووب من كل مايكره رب الاربااااب

[ابن ذكير]

مشكور اخوي على الابيات
ولاهنت

[لورانس روق]

ألأخ عتيبة شاكر لك مرورك

[فواز السعيدي]

حسب ماوردني ان الشاعر الروقي اللي قام ورحب بزيد ليس حبيب العازمي بل هو من اصحاب الحفل حين بدع وقال



هلابك مرحبابك يالمطيري في ديار مطير======


عندما قال هذا الشطر ولم يكمل الشطر الثاني للصف الثاني نهض اصحاب الحفل واخذو يستنكرون كلامه



فقال::


======= ديار مطير فالماضي لكن اليوم للروقه


:::::::::::::::::::::::::::::::::::::::::::


فرد عليه زيد قائلا:


يدوم الك البقا والحر من مكان اليا مكان يطير ===== ديار مطير فيها روسكم يا روق محلوقة



/////////////////////////////////////////////////////////////

هذا حسب ما اعرفه عن هذه المحاورة


المعذرة على المداخلة



تحياتي للجميع

[/عبد العزيز الجذع/]

ياسلام عليك يا لورانس روق.

موضوع موثق بقصائد واخرس المتطفلين اللي يحاولون صناعة شي من لاشي , وماحولة معارضة الموضوع بلا ادلة.

لاهنت يالذيب.

تحياتي.

@

[معجب العتيبي]

هههههههههههههههههههه فواز السعيدي


يشهد الله ماقريت الموضوع الى الان بس فتحت الصفحه على ردك وجلست اضحك


يمكن لاني حسيت اني اشوف فلم مصري

يقول شطر وينتظر ردة الفعل ويستنكرون ويقومون ويجلسون ويقول الشطر الثاني ههههههههه


يمكن كلامك صح بس ضحكني والله

ولاتزعل هذا اللي حصل

التوقيع