عبدالله الحربي :
الليل وين انت يا قادح شرار *** نويت احطك بحلقه مغلقه = وتصير تبغى النجاه ولا تجد** ما للحلق باب رفرف يا علـم
قالوا لي انك تزيد النار نار *** والنار شبت وصارت محرقه = ما يارد النار يا كود الولد** وان قام ما هاب رفرف يا علـم
قـادح شــرار :
الليل يالحربي وجايك دمار .. بطق راسـك بهـاك المطرقـه = يمكن بعدها هنيا تنفقد .. وإن هبت الريح رفـرف يـا علـم
اتدور الحالي وجاك المرار .. وشوي يالربـع نـاوي بخنقـه = والمزن فوقك بها برق ورعد .. وإن هبت الريح رفرف يا علم
عبدالله الحربي :
لو اخبط الأرض طيرت الغبار**باب القشر بعد ما جيـت اغلقـه = والشاعر اللي يكثر بالعقد ** له حرقت أعصاب ** رفرف يا علم
عينت صدام يومـه لـف دار**حطـوه يـا صاحبـي بالمشنقـه = واللي بقى له بها الدنيا رغد**ما تخلع الكاب ** رفرف يـا علـم
قـادح شــرار:
لو تخبط الأرض في عز النهار .. راسك ترى اليوم ناوي بحلقه = إن قام حظك ترى ولا قعد .. ما فيه مجناب .. رفـرف ياعلـم
عينت ديرة تسمى قندهار .. ديرة لهـا أوضـاع دايـم مقلقـه = ما تقدر تطب في وسط البلد .. في سد الأشناب .. رفرف يا علم
عبدالله الحربي :
لا ترمي الا مركـز بالعيـار **والا تـرا مكسبـك عقـب فشقـه = ياللي تحسب الخميس ابو الأحد **تخطي بلا اسباب **رفرف يا علم
واللي قرا ما درا بـس استعار**مـدري هديـه جتـه والا صدقـه = الدم حامي ولكنه برد**عقب المرض طـاب ** رفـرف يـا علـم
قـادح شــرار :
من حط راسك مع الروس الكبار .. والواسطة كل شئ تحقّقه = يا واحد ٍ ذاق نعمه ثم جحد .. في وسط الأنشاب رفرف يا علم
ليتك تروّح مع امجنن شهار .. يوم ٍ ثوبـك بيـدك تشقّقـه = كل الأكل يوم سويته فسد .. في وجه الأجناب رفرف يا علـم
عبدالله الحربي :
ياخوك انـا كـم عديـت اختبار**شهادتـي بامتيـاز موثقـه = والا انت طالب بليد ومبتلد ** تلعب بالأسياب ** رفرف يا علم
ياخوفي انك تبا الدعوى احتكار**والشمل ذا الليل تبغى تفرقـه =واحظك اللي ليا قوم رقد **ما يوم لك ثاب ** رفرف يا علـم
قـادح شــرار :
تظن نفسك جمل وأنته حوار .. الفرق واضح يا كيف نطابقـه = ما شاف نفسه يا جعله بالرمد .. يومي بالأذناب رفرف يا علـم
ابقفل العلم كله بالجهار .. قبـل البحـر يـا جماعـه يغرقـه = من قبل لا يصبح بوسط اللحد .. صكينا الأبواب رفرف يا علم .
أشكر جميع الأخوان اللي شرفونا .
« آخـــر الـــمـــشـــاركــــات »
12-Jun-2008, 12:53 AM
العرض العادي
