المرشـ ساطي ـدي
بين شاعر وشاعر فيه نفره وربط=وبن مرشد على الشعار صابه نشاط
فيه شاعر معاني يضبط البيت ضبط=وفيه شاعر على الدبكه وشعره هياط
أبو وافي العتيبي
بين شاعر وشاعر ماش قيدٍ وشرط = يابن مرشد على الشعار ماش أشتراط
فيه شاعر حماسي يخبط الشعر خبط = وفيه شاعر رزين ولايجيه أختباط
المرشـ ساطي ـدي
شيل حملك وحط اللي تبي ثم احط=شفت بينك وبين المعنى قو ارتباط
شفتها ما تجي من السماء خر بط=ودها هاجس(ن) راعيه مابه انحباط
أبو وافي العتيبي
كان شفت الحروف ولا تشوف النقط = والمشاكل تراها كلها فالنقاط
صـاحبي وين راح وصـاحبي وين نط = التقطها عن اللي غافلين إلتقاط
المرشـ ساطي ـدي
شفتها كلمة من تحتها خط خط=كلمة يمكن ان صايبها حمى رهاط
انشد الشاعر اللي يحسب الوز بط=بعد طفيت نارك كيف تنطح شباط
أبو وافي العتيبي
صاحبي لا تزيد الهب وط وط = فيه ريحت حراق وفيه ريحت شياط
أنشد الشاعر اللي في كلامه ورط = كيف يرضى لنفسه ياعرب بالرباط
..
المرشـ ساطي ـدي
شافني مرخي(ن) في الحبل ثم انخرط=مير ابا اشد حبلي واسحب الاحتياط
وكان عود لحبله والله لينفرط=ثم يروح بحبله مثل روحة مقاط
أبو وافي العتيبي
شافني يوم أجامل صاحبي ونشحط = مير أبا أمشي الأصحاب فوق الصراط
بعد جبت السمنه صاحبي ماقلط = فوق زلٍ حمر ماهو فوق البلاط
...
المرشـ ساطي ـدي
انتبه لا يشم القاز عود الشخط=ثم تصير الحطب وضيع هالانفراط
بعد جبت السمينه ملحها ما زبط=كيف تبغاني اكل منها وهيه سماط
أبو وافي العتيبي
أنتبه لا تغير في جميل الخـطط = خابرك ماأنته العيه ولا أنت السواط
صاحبي قد تحضرى مايبى إلا زلط = ماأنت بأكل سمينه وفمك فيه الزماط
المرشـ ساطي ـدي
ودنا يابو وافي ندمح الك الغلط=واحذر احذر ترانا نسحب منك البساط
السبب قد ذكر و علمي واحد فقط=نقصوا في الملح وزودا في الطماط
أبو وافي العتيبي
صاحبي في أمتحانه نجح ماأدري سقط = ياعنب من يذوقك مايحب الحماط
يالله أني دخيلك من حياة الفلط = بعد خيطت ثوبك أنتبه للخياط
جمال في الاسلوب والمعنى
قافيه رائعه اجاد الشعراء التعامل معها وامتعونا
شكرا لكمااا وتستاهلون اللي ينسق لكم لو الالم موجود
مع التحفظ على بيتين او ثلاثه.....
« آخـــر الـــمـــشـــاركــــات »
23-May-2008, 06:23 PM
العرض العادي
