العضياني ، قم واقف

[سلطان طلحة]

غالب الذيابي

سلام تسليمة وفا من شاعرٍ فكره نظيـف=اليا وقف ياخذ على نظم الثميـن الاولـة
العام راغب للقنص واليوم لك قلبٍ معيف=ياشين من يقفي عن اصحابة وينكر منزلة

راشد العضياني

اهلا هلابك مرحبا احد من حـد الرهيـف=من شاعر(ن)دايم يجيب الوافيات مكملـه
العام دمرنا القطاء واليوم نطمع بالشريف=والله مافكه يالذيابي لين يعلن عـم لـه

غالب الذيابي

تراك لولا خطتي .. وسياستي وضعك مخيـف=بهذلك ابو شوشـة يوريـك النجـوم وترسلـه
ان جيت لي جاك العقل وان جاك خاويته خفيف=الله عليـه يصبّـرك ياشيـن ويصبّـر هلـه

راشد العضياني

وانته ترى لوحنكتي خلوك في جنـب الرصيـف=لا ارسلته إلنا يرجـع ألكـم يالعتيبـي وازهلـه
ان جيت لك جاك السعد وان رحت وضعك يالطيف=اصبحت فـي سلـه مهمـل بالسـلال المهملـه

غالب الذيابي

العام راشد مايعرف الصيف من فصل الخريف=واليوم ينفخ في ذروبـه ويهـرج بالمرجلـه
والله يالا هاك المطوع راعي البيـت المنيـف=اني لاسوقك سـوق جمّـالٍ مطاوعـه جملـه

راشد العضياني

العام غالب ماتعدى دغيبجه واهل العطيف=واليوم رمحه في يساره ياعتيبـه شايلـه
حذراك تقرب منه هاذا البيت للضيفان ريف=وتحته تذرى من لهيب الشمس وقت القايله

غالب الذيابي

قام يتخبط صاحبي راشد وانا اظنه عسيف=علمه معي يقلب علوّه ثم ينكـس لاسفلـه
حالفتني وانته صغيّر سن لو ما انت بحليف=لكن بك طبعٍ يغث الذيـب نـوب ويدبلـه

راشد العضياني

وشلون تنكر راشد وقلبك منه يرجف رجيف=ادع لربك ياعسـى ربـك دعاكـم يقبلـه
ماني حليف انا ركبت اشدادها وانت الرديف=طبعي كذا لاشفت طاغي يالذيابـي نهبلـه

[غالب الذيابي]

المشاركة الأصلية كتبت بواسطة راشد العضياني

وشلون تنكر راشد وقلبك منه يرجف رجيف=ادع لربك ياعسى ربك دعاكم يقبله
ماني حليف انا ركبت اشدادها وانت الرديف=طبعي كذا لاشفت طاغي يالذيابي نهبله

قابلك ربي لو بركت بحملك الصعب الكليف=ما اطيع فيك القاف لو القاف جاله زلزلة
اليا تعبت من الصلف ريّح واخذ فنجال كيف=نوّخ شرودك لايطش الحمل واثنه واعقله

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[حمود الحمود]

صحت الالسن طاروق متعوب عليه

[راشد العضياني]

المشاركة الأصلية كتبت بواسطة غالب الذيابي

قابلك ربي لو بركت بحملك الصعب الكليف=ما اطيع فيك القاف لو القاف جاله زلزلة
اليا تعبت من الصلف ريّح واخذ فنجال كيف=نوّخ شرودك لايطش الحمل واثنه واعقله

ربي قبلني وانت ربك ماقبلك وقلت زيف=تبا تطيع وتعترف واقرا عليك البسمله
انته تقوله مادريت ان البطل غير الوصيف=وشعيل ماشال الحموله والجمال محمله

[راشد العضياني]

المشاركة الأصلية كتبت بواسطة حمود الحمود

صحت الالسن طاروق متعوب عليه

حمود

صح بدنك...لاهنت على الحضور