براك العتيبي =
نبا نعوضك ياعناد بقاف عـن قافـك هـذاك=القاف نبدع لك بداله قاف وابشـر بالعـوض
ياهارب من الموت وين تروح جاك الموت جاك=اما دخلك مع الكبر و الا دخلك مـع المـرض
عناد الشيباني =
ليلك سرى لكن عطنـا يالعتيبـي مبتغـاك=ويخيب حظ اللي بدع قافه ولا عنده غرض
الموت مامنه هروب اما غزيته هو غـزاك=لكن علومك ذي لاتنشر مع معيض وعوض
براك العتيبي =
انا على وجهك ملاحـظ ياعنـاد الارتبـاك=اما ارتفع سكرك والا عندك الضغط انخفض
خابرك ماترضى علينا مثل مانرضى علاك=لكن جيلك ياولد مشيب من العام انقـرض
عناد الشيباني =
كيف ارتبك وانا احتم الماقف واحامي عن حماك=واليا جحدت العلم هـذا ياصحيبـي مفتـرض
انته تهرب عـن علومـك ميـر والله لاحـداك=وجيليي ليا شفته وشافه واحدٍ مثلـك ربـض.
براك العتيبي =
ياوين ابا القى شاعرن مامستواه بمستـواك=اليا نقض خصمه فتل واليا فتل خصمه نقض
ياوجهه ابن فهره عساك ان قمت تفتكك يداك=الذيب مع دربك سرى و الصقر بجناحه نهض
عناد الشيباني =
انته تغني ياعميلي مـن خـلاك اليـا خـلاك=الله يجازي من عطاك اسمٍ خلاف اسمك عرض
ياهيـه ياغبـران ريـح قـدم لبيـح خـفـاك=خلك تحفـظ لدعـاوي مثـل ماغيـرك حفـظ
براك العتيبي =
تقوله و عز الله ان غناي مايشبه غنـاك=جهاز مخك كل ما نرسلّه رساله رفـض
ادله دروب السنع ويـدور دروب الهـلاك=والجاهل اللي يجهل الصنعه عليها يعترض
عناد الشيباني =
اصبح مـدام الله يالروقـي بـهاليلـه هـداك=وقلبك عروقه مابها عرقٍ مـن الفطنـه نبـض
انا اعرف ادرب السنع وابا امسح اليومه خطاك=والعلم بين كانهو عنـدك يابـن روق انغمـض
صحت السنتكم
وبيض الله وجيهكم ماقصرتوا
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
22-Nov-2010, 03:56 AM
العرض العادي
