ناصر المرشدي
الرد شعاره تعدا الملايين=ومعجب من الشعار نحسب نحسابه
وانا انتضر متى نحرر فلسطين=ونخطف عشانا من حلوق الذيابه
معجب العتيبي
ياكثرهم في ماضي الوقت والحين = لكن ناصر ياعرب من درابه
ياصعبها لو كان منتم بدارين=ولو ان مابه شي يقهر عتابه
ناصر المرشدي
بلشت في من قال( ياليل ياعين)=عينِ تهل وليل ماينسرابه
كفي رحى والحب روس الشياطين=واللي يحب الموت يامرحبابه
معجب العتيبي
مايشكي الرجال خوض الميادين=واللي يعرف الدرب لا ماغدابه
ناصر يحسب انه زعيم الثقيلين= وان كان سيفه منثلم واعذابه
ناصر المرشدي
ياويل حرف الجيم من سطوة السين=ياصحبنا اللي تعرفون الكتابه
صلك ولي العرش بين الصلاتين=وحطك زمانك بين ضرسه ونابه
معجب العتيبي
ياويل شعار االنضم والمحبين=من سطوة اصحاب الامر فالرقابه
انا احسب انك عون فالعسر واللين=واثرك ياناصر تبيها نهابه
ناصر المرشدي
لقيت ربع الناس ماهم بصاحين=اللي يجيب العيد يقلب ثيابه
ياللي تحسبون المشايخ مساكين=السيف قوة سلته من نصابه
معجب العتيبي
وانا لقيت الناس يافلان صنفين=اطيبهم اللي ينفقد في غيابه
الشيخ ماحدٍ جاب طاريه بالشين=لكن نبيله وقفةٍ مع شبابه
ناصر المرشدي
عنوانك اللي ضاع بين العناوين=ان طعت وان ماطعتني وش تبابه
انته تروح يسار وتعود يمين=100 سوال/ ترد نفس الاجابه!!
معجب العتيبي
قلب الحقايق مانفع يا احمر العين=والمجد حط كتاب كلٍ قرابه
حظ الحرامي ياعرب صايرن زين=قالوا له احلف وابتسم وابتدابه
« آخـــر الـــمـــشـــاركــــات »
30-Apr-2010, 09:31 PM
العرض العادي
