علي العضياني=
ألا وا فكرتي فالكاين اللي فالثرى مدفـون=جنازه في لحدها ما نشوف الاّ نصايبهـا
أبو ليلى المهلهل كيف يوم إنّه قتل شيبون=منيّه و المنيّـه جـات تدفعهـا سبايبهـا
محمد بن رشيد=
تفكر والزمان بدورة ايامه ماهو مامون=ومن ودى السوالف مع طريقه جاك جايبها !
ابو ليلى المهلل له عيون ووللرجال عيون=ولايوذي الرجال اتلى الزمان الا قرايبها !!
علي العضياني=
ليا قالو يكون أقول هـذا مستحيـل يكـون=هذي دنيا غريبة حال ,,, نستغرب غرايبها
أنا لو إنّي أعرف ويش سرّ الخافي المكنون=عرفت الناس هذي يا محمد كيف آخاطبهـا
محمد بن رشيد=
لياهزيت جذع النخله ألقط تمرة العرجون=وحاول لاتبعدها بعيد ولاتقربها !!
لاتستبعد يكون ابدون لحيه ياعلي وبدون=شوارب واللحى تحفظ لها الهيبه شواربها !
علي العضياني=
بيوت إبن زويبن كنّها لعبدالله إبن عـون=و لكنّ كل واحد حسـب مـا ودّه يركّبهـا
و ما دام الربايع شاركن في شاعر المليون=أقول الجايزه ما عاد ندري من يفوز بهـا
محمد بن رشيد=
علامك صايرٍ يابن فلاح من الوضع مشحون=ترى الدعوى بسيطه كلبوها لاتصاعبها !!
تراث اجدادنا عن كل عابث ياعلي مصيون=يحفظونه رجال ٍ ماتغيّر عن مذاهبها !!
علي العضياني=
أنا أصيح لذوي زرّاق مدري ليه ما يوحون=و لدهم بين خلق الله ثيابـه ليـش قالبهـا
تراث أجدادنا مرضان فيه الضغط و القيلون=خطير إنّه يموت من الغرابيل و عواقبهـا
محمد بن رشيد=
يقولون الرجال اللي يصيح ابلا سبب مجنون=ولن صحت ال ذوي زراق عنك القوم نذهبها !!!
ترانا اللي بنينا الجدر / لانبنيه وتهدمون=على شان المسوح اللي ليا درّة تحلبّها !!!
علي العضياني=
ألا يالربع أنا يـوم إنّـي أقـول أفزعـوا تكفـون=أحسب علوم بعض من العرب ما هوب حاسبها !!!!
أنـا خابـرك عنهـا غاسـلٍ يمنـاك بالصابـون=و غيـرك بالحليـب يعبّـي الطاسـه و يشربهـا
علي العضياني
محمد بن رشيد
بيض الله وجيهكم
وصحت السنتكم
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
21-Mar-2010, 02:58 PM
ِ
العرض العادي
