محمد صالح العطاوي
ياسلام الله سلام ولاش فالدعوى مجامل=خابرينك ياوسيع المعرفه قد المهمه
البعير اللي مع البدوان تال الوقت هامل=ضاع عمره ما لقا له شخص فالديره يضمه
معجب العتيبي
مرحبا والدين يجبرنا على حسن التعامل=والخوي اللي يعرف الحق والله مانذمه
اشهد ان الدين يارجال جا للناس كامل=والبعير يعيش طول العمر وحده مايهمه
محمد صالح العطاوي
السعد والخير من فضل الولي لناس شامل=ميرقلي وش تسوى لو تطيح الك بمطمه
عارفين ان الشجاع اليا وقف ميقاف صامل=مايهمه داب ذاك الضلع لو يسقيه سمه
معجب العتيبي
السعد للي عرف دربه ويعرف من يزامل=ماركب في موتره وان عارضه خطٍ يخمه
الشجاعه ضبط نفسك لاتأثر بالعوامل=والنجاح بهالحياه احتاج يارجال همه
محمد صالح العطاوي
لاتفكر في معاش اهل الضعافه والارامل=مايفيدك يالعتيبي لوتروح ولو تلمه
فيه دحه فيه عرضه فيه قلطه فيه زامل=كان طال الدرب يامعجب لزوم انك تتمه
معجب العتيبي
الضروف الراهنه تحتاج من فضلك ونامل=قدم المطلوب يامحمد وماتبغاه سمه
علم اللي يامحمد ماسمع والامر شامل=بالدروب البينات وكل رجل يعرف عمه
24-Jan-2010, 06:48 PM
العرض العادي
