سعود البرقاوي =
لاصرت ياحاكم تخاف من المواجه واللقاء=لاعـاد تطلبنـا ولانبغـاك مـرة ثانيـة
يمّا تقابلنا ليا جينا على وضـح النقـاء=والا ترى حنا نبا نرجمك رجـم الزانيـة
حاكم الغنامي =
المشكله لو جيتك اعيشك في عيشت شقـا=دايم وانا محّرِمك من عيش الحياه الهانيـه
من ابشع انواع العذاب ومن صفاته وش بقا=ماباقي الا نربطـك فـي قمـة البركانيـه
سعود البرقاوي =
ليّم علومك واسترح في جنب خضاض السقا=من عقب جاتك ضربةٍ في مفرق الحجانيـة
العام انا وياك ياحاكـم رفاقـة واصدقـاء=واليوم اقلك روح عني منت من صدقانيـة
حاكم الغنامي =
ويش الجديد اليا نزلت وحاكم بطيبه رقـا=هذي علومٍ ماستمع فيها واصـك اذانيـه
يوم انت خاويت التقي ماشفت منه الا التقا=واليوم دور من يميّـل شوكـة الميزانيـه
سعود البرقاوي =
خل التميدح عنك والهاقي عرفنا وش هقا=لو تطلب الفزعة تبا تفزع لك العربانيـة
سرك كشفته مير خل الباب دونك مغلقـا=عليك ياحاكم مانبغـى نفتـح البيبانيـة
حاكم الغنامي =
اثرك دايم وانت والهزله خداين وعشقا=يجري بها حبك سوات الدم فالشريانيه
انته كلامك خارج حدود العقل والمنطقا=لاشفتك اذكرمشكلة هتلر زعيم المانيه
خل التميدح عنك والهاقي عرفنا وش هقا
لو تطلب الفزعة تبا تفزع لك العربانيـة
ههههههه
سعود البرقاوي
صح لساااانك ياهامور المنتدى
هذا لقبك والحقيقة ماحد يحرزك يابو فهد
انته كلامك خارج حدود العقل والمنطقا
لاشفتك اذكرمشكلة هتلر زعيم المانيه
الله الله
حاكم صح لساااانك يارااائع
التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|