سعد العصيمي اقلط جاي لاهنت

[شاعر شعبي]

مــحــمــد:

مدري علامك ياسعد ماتحـرّك=الك شهر ياصاحبي تقل نعسان
اعلوم جيرانك تجيك وتمـرّك=ماهمتك ولا لها عندكم شـان

سعد العصيمي :

تهـز راسـك يالبعيـر المبـرك=والحمل والسكين من فوق الامتان
لكن مالـك غيـر تلـزم مقـرك=وان قاله الله جيت والارض ميدان

مــحــمــد:

عز الله انا يابن عاصم نبـرّك=ونفتككم من شر دورات الازمان
لاكن لقيت الي بعلمـه يغـرّك=ويقول مانت بحاجة فلان وفلان

سعد العصيمي :

اللي يسرك يمكن انـه يضـرك=ان كان فعله شيك مدفوع الاثمان
اترك علوم الناس واقفل مصرك=مثل ماعندك عين للعالم اعيـان

مــحــمــد:

لاصار جارك فالوغا مايسـرك=الهرج مانت بحاجته ياكحيـلان
خل البشر ماشفت خيرك وشرك=مانته بنافع يوم زوغات الاذهان

سعد العصيمي :

اللـي سمعـك يقـول لله درك=مايدري ان الداب فكين ولسان
عقلك خفيف وخيط الابره يجرك=وان جابك يوديك فاضي ومليان

[مــــحــــمــــد]

ههههههههههههههه طيب طيب

وصلك علمي لو بكبدك يحرك = هذا الصحيح ولا يجي فيه نقصان
يجيك يوماً فيه خصمك يعرك = وتقوم تنخاني واقوللك غلطان

آخر تعديل مــــحــــمــــد يوم 09-Dec-2009 في 03:02 AM.

[مــــحــــمــــد]

ارحب يابو غازي


شرفتنا بحضورك وصح بدنك

[مــــحــــمــــد]

شاعر شعبي


بيض الله وجهك على التنسيق

وبيض الله وجهك على الحضور الطيب

[مــــحــــمــــد]

ابو مطر المذن اذن نبا نصلي

ولاكن صح لسانك وشكراً لك على الوقت الي استفدنا فيه الكثير


الختام عندك وبيض الله وجهك


وبيض الله وجه كل من حضر

[سـعـد الـعـصـيـمـي]

صح لسانك يامبدع والمعذره على التاخير انا رحت اصلي

ارجع على تاريخ كرك وفرك=ترا كلامك مايوزن بميزان
وش عاد لو بينت حلوك ومرَك=حتى نبي الله له قريش عدوان

شكر خاص لشاعر شعبي على المتابعة المتواصله والتنسيق

[عيد العازمي]

ايوالله ابداع


وبعض البيوت تنوزن بالذهب


لاعدمناكم


وصحت السنتكم

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[مــــحــــمــــد]

وش عاد لو بينت حلوك ومرَك حتى نبي الله له قريش عدوان


هههههههههههههههههههههههههههههههههههههههههههههههههه ه


ابو مطر الابداع مهما يكون مع ابداعك ماينظر أليه


صح بدنك والله يعطيك العافيه

[مــــحــــمــــد]

ابو طلال

أنتم مدرسة الابداع


حضورك شرف لنا


وتواجدك في اي محاوره يساعد على تميزها


شكراً لك على التواجد الطيب

وصح بدنك

[سعود العصيمي]

يجيك يوماً فيه خصمـك يعـرك
وتقوم تنخاني واقوللـك غلطـان


محــــــــــمد

صح لسااااانك

مبدع مبدع





وش عاد لو بينت حلوك ومرَك
حتى نبي الله له قريش عدوان




ابو مطر مايبغي لك شهادة لله درك مبدع وصح لسااااانك

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.