عاجل جدا ؟ أول قرار يصدر من اللجنة وشيوخ الهيلا

[اسير نفي]

الموضوع هام ويخص جميع أفراد قبيلة الهيلا
يجب تحديد المهر التحديد راح يفتح المجال للعديد من الشباب وانا من المؤيدين للتحديد لان هذا الامر يخدم ابناء القبيلة وخاصة في ظل العمل لدى بعض القطاعات برواتب ضعيفه جدأأأ قد تصل لـ1500ريال وهذا صعب عليه التكاليف الباهضه ومثل هذا هل ينحرم من الزواج لسبب عدم قدرته المادية والرسول صلى الله عليه وسلم في معنى الحديث اذا اتاكم من ترضون دينه وخلقه فزوجوه ...
ولم يقل من اتاكم يحمل امواله ؟؟؟؟؟
وجهة نظري !!!!

والله الموفق

[العصيمي ابوريان]

الحبيب صح النوم انا صاحب الموضوع انا ما ودي ادخل

معك جدال بيزنطي يأخي انا طرحت الموضوع وحبيت

الاخوان يشاركوني الراي وانت جاي مطفي النور تحب

تشارك وبس يالحبيب قل خيرا او أصمت تحياتي

[ابن عيفان]

ونعم الفكرة بس حتى يحضر جميع شيوخ عتيبة

[النــــــــــــــايف]

تحديد مهور ليه ؟؟

يا اخوان الزواج مايصلح فيه تحديد كل على قد لحافه يمد رجليه ..

المهر هذا ليس من حق احد أن يتدخل فيه لا من شيوخ قبيلة ولاغيره .. هو تراضي بين عائلتين تبون القبيلة تدخل فيه ؟؟

بعدين انت حددتوا المهر للبكر مثلا ب 40000 طيب ماقلتوا كم عمرها اللي يكون مهرها 40000 واذا كان عمرها 20 تقارنونها باللي عمرها 30 وممكن بعد كم سنة يصير تخفيضات ويصير المهر ب 10000 ؟؟

طيب وفك ارتباط الريال بالدولار وتغيير سعر صرفه تتوقعون لازم نغير سعر صرف أقصد سعر بنات الناس ؟؟

المهر ليس بيعا وشراء حتى تحدد الاسعار وبعدين في السعودية ماقدرنا نحدد أسعار الرز والشعير تبون تحددون المهور

[عبدالله المعالي]

النايف


*_^ قبائل ثانيه حددو المهور


يعني أطيب منك هالقبائلـ

تحديد المهور يقدرون يحددونهـ مافيه شي مستحيل


لو يجتمع كل شيخ قبيلهـ مع ربعهـ

على الاقل الفخذ

ويحدد المهر واللي يرفض لاناخذ منه ولانعطيه

هذي بعض من افعال القبايل الثانيه


والان العوانس والشباب شيبو واهم ماتزوجو

على الاقل هذا حل جزئي

[امرؤ القيس]

لاحول ولاقوة الا بالله


الله يبارك فيك يا اخوي ابو ريان ,,
خذها نصيحة من اخ لك يحبك في الله, الاختلاف في النقاش شي طيب فهو يثري التفكير ويوسع المدارك . وترا موب كل الناس تنظر للموضوع بنفس الزاوية وهذي من حكمة ربك لآستمرار الحياة.

المفروض انك تحترم الفكر المقابل وتناقشه بالاقناع
لكن الله يهديك انت تبحث عن ناس تؤيد كلامك والدليل انك تجاهلت جميع الردود وجيت لردي الوحيد اللي خالفك.

اما انا فوالله اني اناقش الفكرة ولا اناقش الاشخاص
بدليل اني توي اعرف انك صاحب الموضوع

ارجع لفكرتي اللي ذكرتها وهي (حرص الشخص على العلم) والابتعاد عن اخلاق السوء ,, بهالطريقة راح يجيه من يخطبه لبناته قبل لايفكر بسالفة غلاء المهور . وهذا والله شيء حاصل لناس اعرفهم شخصياً


لكن اني اجعل من سالفة غلاء المهور قضية والشباب هايت بالشوارع ولا معه شهادة تشرف ,, مع احترامي ماهو كفو من يزوجه من الاساس ولو بمهر غالي.


وحنا هنا نفكر نقلل المهور .. والشباب متطمنين ويبقون على حالهم من دجه ....



وانا اعتذر لك (لين ترضى) لو انك فكرت اني اخطيت بحقك


تحياتي لك

[عبدالله المعالي]

لكن اني اجعل من سالفة غلاء المهور قضية والشباب هايت بالشوارع ولا معه شهادة تشرف ,, مع احترامي ماهو كفو من يزوجه من الاساس ولو بمهر غالي.


وحنا هنا نفكر نقلل المهور .. والشباب متطمنين ويبقون على حالهم من دجه ....

طيب الحل وشو اخوي للشباب الهايت هذا *_^


نخليهم ضايعين بالسفريات ولا الخرابيط ولا الطرق المحرمهـ *_^

ولا نحاول نبسط عليهم الزواجـ

فانا أعرف ناس كثيرهـ شباب من شتى القبائل

كانو (( زاحفيين )) شويـ

وبعد ماتيسرت امورهم وتزوجو عقلو

[النــــــــــــــايف]

يأ أخي الفاضل المسأله ماهي القبايل أطيب والا لا ؟؟

الحين أي فعل تسويه قبيلة اخرى معناته انها أطيب ؟؟

ثانيا : لو كان في تحديد المهر فائدة ولو واحدة لذكره رسولنا صلى الله عليه وسلم وحدد المهر ....

المهر تراضي بين عائلتين وش دخل شيخ القبيلة يحكم ان فلان يزوج بنته بمهر كذا وكذا ؟؟؟

بعدين سالفة الشباب مايلقون يتزوجون وعلشان كذا نحدد المهر علشان مايسافرون يا أخي الفاضل نصف اللي يسافرون برا متزوجين

اللي يبي يتزوج سوف يجد من يزوجه وللمعلومية بعض الناس ممكن مايطلب مهر ومع ذلك الشاب يدفع مهرا تكريما لأنسابه الجدد تجي أنت وتقول لا ؟؟؟

نقطة أخيره : عتيبه شيوخ أنفسهم ولاتحسبهم مثل بعض القبايل اللي ذكرتهم يطيعون شيوخهم طاعة عمياء . الشيخ في عتيبه يطاع اذا كان صح واذا كان عوج مايطيعه احد .

[فيصل الحمراني]

فكرة رااااااائعة .

ياليت اخوي ترسلة للجنة المنضمة عن طريق الفاكس يمكن يتحقق هذا الشي

[كلاشنكوف]

فكره رائعه واتمنا تطبيقه على جميع افراد القبيله
ولاكن هل الشيخ سوف يزوج ابنته با40 الف ريال