ناصر الجلاه
سلام الله على النشمي سلامٍ فيه عز وكار=بعدها ياعلي نبغى الفؤايد من مصادرها !!
من اللي شال يالنشمي لواء الشعار وسط النار=وانا خابر بأنك ياعلي بالعرف خابرها !!
النشمي
هلا يامرحبا ترحيب فوق العز والمقدار=نبا توضيح عن كل العلوم اللي تدورها
انا ماني وكيل اجاوبك عن جملة الشعار=وترى الشعار مايجهلك ماضيها وحاضرها
ناصر الجلاه
يدوم ألك البقا يالشاعر اللي تكرم الخطار=عسانا عقب ماننشدك عنها ماتزورها !!
لو إنك تعتذر يابوفهد مانقبل الاعذار=حكيمين العقول بواقع الدنيا نحاورها !!
النشمي
حرام اني خصيمك لين تلحس نار ابن عمار= مادام ان العلوم مدبلجه وانته مصورها
ياناصر مخترعلك طايره مافوقها طيار=وحكيمين العقول انصحك لا تجرح مشاعرها
ناصر الجلاه
ليا كانك تبيها حرب شب النار فوق النار=حرامٍ لو نطول في مداها ماتقصرها !!
خساره يالثبيتي كنت احسبنك حكيم الشار=وآثرك اللي على غير الهوى فالحب طايرها !!
النشمي
كشفنا لعبتك ومراوغك يالثعلب المكار=لكن الله نكبك وحيلتك للناس يضهرها
حكيم الشار مار انته علومك يالجلاه اكبار=لكن اركد على هونك علومك لا تكبرها
ناصر الجلاه
شرينا واشترينا فالذهب من غالي الاسعار=وجبنا للثبيتي مار في جيبه مصررها
حكيم الشار ماترجع علومه كلبوها صغار =تبرر في علومك يالثبيتي من يبررها
النشمي
نبيع ونشتري بالمعرفه ونعامل التجار=ونصرف من ذهب مضمون والسلعه نقدرها
اثر ناصر كما البارود وان شم الفتيله ثار=وعلومه فالبدايه طيبه واشبه يغيرها