مرزوق بالله تقدم اذا وقتك يسمح

[مرزوق حمدان العتيبي]

رفيع المنزل

سلام فاح بريحة العود من شاعر ٍ بالشعر له شان = يعرف دخوله من خروجه سلام فاح بريحة العود
النقص يامرزوق والزود مايجتمع في كل الاحيان= وانته تزيد العوج عوجه النقص يامرزوق والزود

مرزوق العتيبي

بيض الليالي تتبع السود .. يامرحبا والطيب عنوان = والكون يامكثر فجوجه ... بيض الليالي تتبع السود
يا صاحبي منته بمحدود .. ترمي بنفسك وسط بركان = والبحر لن غطاك موجه .. ياصاحبي منته بمحدود

رفيع المنزل

ياشاعر ٍ مانته بمحسود دام البقا والهرج نيشان= احفظ ملفك في دروجه ياشاعر ٍ مانته بمحسود
حنا لقينا رسوس وعدود والرس ماينصاه ظميان = والنفس ماهي بمحروجه حنا لقينا رسوس وعدود

مرزوق العتيبي

الحاسدين بعينهم عود ... ياللي تردد كان ماكان = ياشاعر ٍ ماكثر هروجه ... الحاسدين بعينهم عود
قولك ترى علاك مردود .. ياللي بوجهك كل الالوان = تنقل خبر من كل موجه .. قولك ترى علاك مردود

رفيع المنزل

خبري بك اول تقدح زنود واصبحت فاضي وانت مليان= خل الزعل ماانته بحوجه خبري بك اول تقدح زنود
عز الله انك صرت مقرود من قمت تتبع كل شيطان = شوف السما واحسب بروجه عز الله انك صرت مقرود

مرزوق العتيبي

كلش ترى له حد محدود .. لكن نحفظ قدر الاخوان = لو الوطن كثرة علوجه ...كلش ترى له حد محدود
مانيب تابع كل منقود .. ياللي رميت بغير ميزان = تغلط وفي هرجك لزوجه .. مانيب تابع كل منقود

رفيع المنزل

اتقولها والوضع مفقود والزود اشوفه صار نقصان= ليتك توزى لك بـ لوجه اتقولها والوضع مفقود
هرجي صحيح وعندي شهود من ربعك الوافين عتبان = مار انت مخك فيه سوجه هرجي صحيح وعندي شهود

مرزوق العتيبي

حنا نعرف سعيد وسعود .. ونوثق الحجه ببرهان = واللي تحدانا نسوجه .. حنا نعرف اسعيد وسعود
يالمتهم لو تجحد اجحود .. الناس شايفتك بالاعيان= تمشي وثوبك فيه روجه .. يالمتهم لوتجد اجحود

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

حنا نعرف سعيد وسعود .. ونوثق الحجه ببرهـان
واللي تحدانا نسوجه .. حنا نعرف اسعيد وسعـود



نعم .. يامرزوق ..
هكذا الشعر ..!

صح لسانك

يامبدع ..

وصح لسان رفيع النزل

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[مرزوق حمدان العتيبي]

..
.

عقاب

..

سلطان

.
ابو مناسب

.
منادي

..
صحت ابدانكم ومشكورين ومجملين
على حضوركم المشرف
....

[مرزوق حمدان العتيبي]

..
.

الغالي السميري ..

صح بدنك ... ولاعليك زود يابعد راسي
....

[أبو نجر النفيعي]

..

الله الله

محاووره فاتتنا بداياتها ..

صحة السنتكم .. يا رفيع المنزل ويابو حمدان ..



أخوكم

التوقيع

.....

[رفيع المنزل]

من وقت عاد ومن زمن هود هرجك كذا من هاك الازمان=وضلع الذيابه ماتدوجه من وقت عاد ومن زمن هود
الكبتن ومعجب مع سعود ناس ٍ يدلونك للاحسان = اثريك مشيتك معروجه الكبتن ومعجب مع سعود

[رفيع المنزل]

عقاب العنزي مرورك وحضورك يكفيني يابن العم


سلطان

.
ابو مناسب

.
منادي

السميري

ابو نجر النفيعي


حضوركم له نكهة خاصة شكرا لكم

[مرزوق حمدان العتيبي]

..

.

الله الله ... استلم وصح لسانك يارفيع المنزل..
استفدنا من ابداعك ...
...

فيك الرجاء ماهوب معقود .. منت بمخلص كل ديان = زرع ٍ زرعته وش نتوجه .. فيك الرجاء ماهوب معقود
اللي ذكرت ابطال وفهود .. درعي لاجا بالكون دخان = منهاجهم ماطيب نهوجه.. اللي ذكرت ابطال وفهود

[مرزوق حمدان العتيبي]

..
ارحب يابو نجر
حييت عدد مامشيت ..

[عبدالله الجـــذع]

الله عليكم يامبدعين

رفيع صح لسآنك

ابو منذر بحر الله لايضرك


محبكم


.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا