باروود
سلام لاهل المعرفه ماهل همّال الغمام = رده سوات الموتر اللي في كرا مابه بريك
يابو لمار الراس لايكبر بعد نلت الوسام = هو من نصيبي مار هاته قبل لااثوّر عليك
ابو لمار
يامرحبا بك بالنيابه عن رفيعين المقام = ماقدّر الله قبل تدري عنه يالطيّب يجيك !!
الراس طايل واحمد الله والكرم طبع الكرام = ليته يجمّل معك واعطيكاه كله في يديك !!
باروود
السالفه من بيننا لاهي حلال ولاحرام = هاته وانابرضيك يارجال في(ناقه وشيك)
سلّم وتسلم ياعميل الخير قبل الانتقام = يابهلواني تسحب ابساطي وانااظنه سميك
ابو لمار
انته تحلّم لين غشّتك الوساوس والحلام = مير اقتراحي يصنعو لك وسم شكله شكل ديك !!
انته تجيب السالفه من فوق راسك يالغلام = ترى معي ياصاحبي ماينفع اتغمّض عينيك !!
باروود
قبلك واناابني لي خيام ابكيفي واهدم لي خيام = وانته تجي بسهل طريقه تعتلي من يعتليك
ان سلمت الروس انشوف النور جلاّي الظلام = والديك يفضخ عينك اللي ما تشوف الاّالفريك
ابو لمار
ان كان تبغى المرجله اسهر وعينك لاتنام = ماباك تقعد سلعة" للي يبيع ويشتريك !!
انته جمل ترعى من الديره ولاجالك سنام = ترعى وتاكل مير كل اسبابك سقمك منك فيك !!
باروود
صبرك علي اسبوع واحد ثم تضرب لي سلام = متعوّدٍ جو البراد وصلك اللي يشتويك
يبين فعل اشعيل يارجال في وقت الزحام = يرعى زماليق البكر ماهو على ببسي وكيك
« آخـــر الـــمـــشـــاركــــات »
19-Jun-2009, 02:27 PM
العرض العادي
