زياد الشطيطي اقرررررررررررب

[عبدالمجيد العطاوي]

المشاركة الأصلية كتبت بواسطة هايف الشمور

اخواني التفرح على المسلم واظهار عيوبه من أكبر
المحرمات ومن أكبر العيوب في سلوم القبايل
وانتم غثيتونا بهالموضوع الي الله اعلم بصحته استحو من الله ومن خلقه

قبيلة مطير وقبيلة عتيبه من اكثر الناس حبا لبعض وتربطهم
روابط الدين والمذهب السني الناجي أي انهم من الفرقه الناجيه
والحمد لله هما أكبر قبيلتين ساهمت في توحيد الوطن
هما اكثر فبيلتين تناسبو وتزاوجو واختلطو
والقبيلتين الوحيده التان تتحدثان بلهجه واحده ومصطلحات متشابهه
كلا القبيلتين لهم تاريخ مشرف لا ينقص من الأخرى شيئا
العتيبي الي يضن ان فيه أقرب من مطير والمطيري الذي يظن فيه
أقرب من عتيبه أقوله امك عقيم يالدلخ

الزبده اتقو رب العالمين لا تشبون الفتن بين أعظم قبيلتين عرفها التاريخ
ترى فيه مراهقين يصدقون ماتكتبون ويتأثرون وتنزرع العداوه بين
أنصار السنه وقوتها وهما بكل فخر تلك القبيلتين

النصيحه وقفو اللعب مع بعض لحين من الدهر حتى يعود الاحترام كما كان
وترى الي يسب القبايل مايخدم القبله لوظن ذالك فهمتو
طبعا الكلام ليس موجه لشاعرين المتحاورين ولكن لجميع من ينهج
تلك المنهج

كتبها اخوكم عادل الروقي يقصد بها وجه الله

اخوي هذا معنى مهوب سبّة عافاك الله وبعدين لا يمكن اني اسبّ واحد مهوب من قبيلتي وجاي في حلال قبيلتي هذا مستحيلة من طبعي فأرجوك رجاء لا تشوشر علينا وشكراااااا على ما ابديته

[زياد المزرمي]

المعذره على التأخير ماكنت متواجد البارح

واستلم يالغالي

لو اشد الحيل يمكن يجي فيها اشتباك = مار مشّ القافله والدروب ندلّها
حاشي المطران لاتقربه تاخذ جزاك = مثل غيرك يوم من فوق راسه صلّها

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[زياد المزرمي]

محمد سالم الثبيتي

حياك الله يالذيب ومنورنا


بادي المراقيب

منوور يالغالي

والله يعيننا علاه نبا نجاهده



ابـــو عمـــاد


مررررررررحبا والله ومسهلاا

يالله حي عمدتنا الموقر

ابرك الساعات والله يا ابو عماد

ولو دريت انك هنيا مارحت البارح للبر

[زياد المزرمي]

محمد الجش

مررحبا يالله حي ابو سعود

من طول الغيبات جاب الغنايم

والصف يزهابك ياحزامي

مادام انت والعمد معي ما علي خلاف


ابو هند

حياك الله يالذيب

منوورنا والابداع تواجدك



هايف الشمور

حياك الله وجزاك الله خير

مشكور على المرور

[عبدالمجيد العطاوي]

عذرك مقبوووووووول يالشطيطي ... وترا القاف له يومين يعني مبطي أرجوا انّه ينتهي في أقرب وقت ...... استلم

لا تقصّر يالمطيري وهات اللّي وراك=فتّح اعيونك بدقّ العلوم وجلّها
عقب خلّيته يدير الرذيلة في حماك=شرهة اسيوف المعارك على اللّي سلّها

[زياد المزرمي]

ابشرر

ما انت ما خذ غير ما قدمت يمنى يداك = وكلمةٍ ماترفع الرجل ماننزلّها
والله انك صحت من شر في دارك بلاك = لو تبرر موقفك ملّ كبدك ملّها

[عبدالمجيد العطاوي]

الله الله خلوووووووووووووووووووووها

وانت من بمعطيٍ غير ممّا الله عطاك=لو دموعك قدم باب اليتيم تهلّها
يالشطيطي والله انّي ما ابى شقرة عصاك=انشدك عن سالفة مار ما تنفطن لّها

آخر تعديل عبدالمجيد العطاوي يوم 06-Mar-2009 في 01:21 PM.

[زياد المزرمي]

بعد ساقك حظك الاقشر وقدمي رماك = ما انت لاقي شجرةٍ تستظل بظلها
انت تنشد عن علومٍ تليق بمستواك = كل هرجه ماتعوقك تبا ترطلّها

[عبدالمجيد العطاوي]

خلووووووووووووووووووووووووها

يوم حست الماء على الورد حاس الله ماك=خابرك برحة .. وكبدك تموت بغلّها
كيف تاتستر فضيحتك يوم الله بلاك=عادةٍ لك .. طينتك كلّ ليل اتبلّها

[زياد المزرمي]

انت مثل الورد والميّ منا لا غطاك = تاتزيدك فوق ياصاحبي ياعلّها
انته اولا بالستر يوم ذيب القوم جاك = افترس معزاك من بعد حوّل كلها

انا بصلي والوعد بعد الصلاه

اذا عندك شي