سلام الله على ربعي عتيبه متعبين الخيل = رجالٍ لو يدور الوقت يبطي ما يفرقها

[حومل]

تبا ترجع سوات اللي غزا يم الحرم بالفيل=عقب ما غرته نفسه وجا بالفيل سايقها
مصيرك يقنعك وقتك وتلقا للخبر تبديل=وأنا ما أظن هاك البنت رزت لك بيارقها

[رفيع المنزل]

غزيت الديره اللي يحتميها راع قال وقيل=ومكه نعرف اللي بث فيها الذعر واحرقها
يبي ياصلك ذاك العلم لينك تكثر التهليل= وتقفي عنك هاك البنت ودموعك تدفقها

[حومل]

أنا أشوفك تحلم مير حلمك يقبل التاويل=وتاويله ترى الشمطا تحضنتك يا عاشقها
أهلل وأذكر الله يوم غيري طبعه التطبيل=ليا منه بغا يحظى بحب البنت يفلقها

[رفيع المنزل]

ترى الشمطا نصيبك ليه ثاير وانت رجل حليل= هذا الواقع تكذب كلمتي والا تصدقها
تهلل تذكر الله لكن تطفف بوزن الكيل = ياشين البنت شامت عنك وش علمك تلاحقها

[حاكم الغنامي]

من اروع المحاورات





صحت السنتكم




ومتابع

التوقيع

سبحــــان الله وبحمدهـ hakem81@live.com

[حومل]

رفيع المنزل .. صح لسانك وبيض الله وجهك

شاعر مبدع .. تشرفت بلقاءك

[رفيع المنزل]

وانا كذلك ياحومل لي الشرف

اشكرك ياحاكم الغنامي على حضورك


الى اللقاء