حمــلــنا أكبر من جملنا ((راع العلطا ))

[راع العلطا]

السميري ’’قادح شرار متابعتكم شرف ونوماس..

معجب العتيبي الله لايهينك على الحضور و التنسيق لاهنت,,

[معجب العتيبي]

سلطان الجذع

راع العلطا


ابداع متجدد وحظور مميز


اذان لابد من المتابعه

التوقيع

[راع العلطا]

معجب العتيبي الابداع حضورك ومتابعتك نوماس..

[سلطان الجـذع]

الغشامه ماتعقب للغشيم الا ضياعه =وانت فكر يالعتيبي كيف كنت وكيف كنا
الردي لو يشري الطيب بعد يومين باعه =مير لازال البعير شعيل في راسه رسنا

[سلطان الجـذع]

راع العلطا نكتفي بهذا القدر الختام من عندك

والى لقاء حلقات قادمه

[راع العلطا]

اللي تشوفه يابوعبدالله ولاهنت ..

انقفل سوق الغلا ماعاد به شريه وباعه=مانحي الدانيه والطيبه حيّ المدنا
اهتوشنا يالجذع هوشه ولافيها فراعه=ومعك ابا اختمها بمسك وكلنا نسري لهلنا

[معجب العتيبي]

سلطان الجـذع

احتزم ياراعي العلطا معي مشوار ساعه =والمساء يمكن قريّب حملنا اكبر من جملنا
لاتنادي للفلاح ولاتصلي بالجماعه = جايزٍ عيدك لو أنك مانقشت الكف حنا

راع العلطا

احتزمت وش تبا كل ٍ ينفذ عن ذراعه=وانت سولف حسب عرفك واللفتً منا ومنا
انت من صوت المنادي للفلاح يجيك راعه=لاتجيز العيد قبل العيد يبطش بك مهنا

سلطان الجـذع

ان وصلتك يالسحاني قول لي سمعٍ وطاعه =لاتكلف فوق روحك ياابيض الوجه وتعنا
لاتعاين في هذيل ولاتعاين في خزاعه= يوم ذرتك البيوت اللي على الطاله تبنا

راع العلطا

انت ياوصل ترى وصلك هذا فيه انقطاعه=وبــ سمع والطاعه أسمع والله انك ماتهنا
نوب عينك فالوديع ونوب عينك فالوداعه=شامنا يبني بيوت ومثلها يبني يمنا

سلطان الجـذع

شرهه الرماي والبندق على خشم السراعه =وانت تعرفنا اليا قلنا لنا قولٍ فعلنا
القضية مبطيه يوم الجبل تعوي سباعه = ماحكم عبدالعزيز الا بعد روضه مهنا

راع العلطا

قوة الجيش العراقي كلها كلام أذعه=يامهنا اللي حصل بالوقت عكس اللي تمنا
ونعم ماقول فيكم لاقصور ولارعاعه=ولانقلع عنا الشريف الا بعد رمح المطنا

سلطان الجـذع

الغشامه ماتعقب للغشيم الا ضياعه =وانت فكر يالعتيبي كيف كنت وكيف كنا
الردي لو يشري الطيب بعد يومين باعه =مير لازال البعير شعيل في راسه رسنا

راع العلطا

انقفل سوق الغلا ماعاد به شريه وباعه=مانحي الدانيه والطيبه حيّ المدنا
اهتوشنا يالجذع هوشه ولافيها فراعه=ومعك ابا اختمها بمسك وكلنا نسري لهلنا