شبل المحاني ادخل الصفحه

[نايف بن ملحق الثعلي]

الكلام اللي تقوله يامحمد ماخافاني=وانت مثل اللي يشب النار في داخل شليله
الحقيقه واضحه واسمع كلامي من لساني= انته اللي من قديم الوقت ماشفنا حصيله

التوقيع

ما هوب لازم توقيع00

[شبل المحاني]

مانقول الا كلام الصدق من ما ضي الزماني=لايزلبك القدم وانته من شيوخ القبيلة
انت يابو عشر ركز لاتخليها ثماني=مار خلك فالمحاني ثم صيف في نخيله

[نايف بن ملحق الثعلي]

اثر بعض الناس في تالي حياته قلباني=الله انه لا يعز اهل الهناديب الرذيله
ماعلي اخلاف وانتم لا تهدمون المباني=مشكلتكم يا جماعه ما تشيلون الثقيله

[شبل المحاني]

ماتقلب غير نايف راح مثل العقرباني=شافله برقن يلوح وقام ينظرفي مخيله
والله ان كاسبين الطيب في سر وبياني=مثل ضلع طويق ثابت ماحدن يقدر يزيله

[نايف بن ملحق الثعلي]

انت خلك في مكانك واما انا ثابت مكاني=والمشاكل من طرفكم حلها بهون وسيله
مانذمك مار مالك خاتمه والعلم جاني=اثرك اللي في اخر الايام مافي يدك حيله