ردي على الشاعر فهد بن رشيد الزلامي .. مع كل الود

[الـ زيــد ــزلامي]

بسمـ اللهـ الرحمنـ الرحيمـ

مســــــــــــــــــاءكم ورد
مساء يحمل لكم صدق محبتي .. وأريج اللهفة للقياكمـ .. اعتذر عن الأنقاطاع الخارج عن أرادتي ولكن!! .. لي عوده في القريب العاجل .. بأذن الله .. حتى ذلك الوقت .. يسرني ان اضع لكم هذه المتواضعه ردا على ابن العم / فهد رشيد الزلامي .. نصافح من خلالها اعينكمـ ..

ياحمـامه مرحبا عد وبـال المخيـل=وعد مالاحت بروقن في دجا ليل سرا
ومرحبا باللي علومه من الوزن الثقيل=يشكي أسباب الهوى والهوى سم جرا
من يلومك يافهد في حب نقاض الجديل=جاهلن مايدري ان الحب صوب عنترا
الهواء موتن محقق مثل حد الصقيل=اشهد انه سم وأسّم من رد البرا
ويش سوى فالدجيماء وجيل بعد جيل=مات بأسباب الموده وجرحه مابرا
مير حاول تترك الحب والطرف الكحيل=لاتمادى فيه وتحارب العين الكرا
واعتبرني في لزومك معك ماني ذليل=كانها بالسيف ولا بحد الخنجرا
وجه ولا جاه لو يطلبون المستحيل=عنك والله ما اتعذر ولايذريني ذرا
والختام المعذره يافهد ياخو جميل=وأرجعيله ياحمامه بمسك وعنبرا

وحتى القــــــــــــــاكم ..
لكم حبي وصفـــــــــاء ودي