الى الشيخ رشيد الزلامي

[ابراهيم العسيري]

المشاركة الأصلية كتبت بواسطة السميــــــري

إبراهيم العسيري ..

صح لسانك .. قصيدة أكثر من رائعة ..
وتدل على موهبتك الشعرية . .

بيض الله وجهك ..

ونتمى ان نرى أبداع منثوور هنااا ..

الاخ السميري

صح الله بدنك والروعه بحضورك وتشريفك

وجهك ابيض .شاكر ومقدر لك اطلاعك وتعقيبك

[نشاط الزلامي]

المشاركة الأصلية كتبت بواسطة ابراهيم العسيري

اهل الكرم والعز والطيب والنخوه
اسعد الله اوقاتكم بكل خير
يشرفني ان انظم اليكم في هذا الموقع الذي يحمل
اسم قبيله عريقه برجالها ومواقفها وتاريخها وحاضرها ..
ويشرفني أن تكون مصافحتي الاولى لكم هذه القصيده الصوتيه
المهداه الى الشاعر الكبير شاعر الوطن الاول
رشيد بن زيد الزلامي العتيبي
فلهذا الرجل في قلب كل حر على ارض هذا الوطن حب وتقدير
لانه رمز من رموز النخوه والحميه .. سمعنا عنه ولم نرآه
ولكن سارة الركبان بقصصه واخباره فكانت مواقفه حديث المجالس
ولا زالت حتى أصبح رمز وعلم من اعلام البطوله والنبل .
والوجه المشرق لأبناء هذا الوطن المعطاء .
اتمنى أن تنال الرضى والاستحسان .

لتحميل القصيده الصوتيه من هنا

تاريخنا حافل بذكر الاساطير =منها الخيال وشي منها حقيقه
امثال قصة عنتره وايضا الزير=وابطال كانوا في العصور السحيقه
اخبارهم جتنا بشتا التعابير=فيها يخالف كل راوي رفيقه
كانت حكايات السمر والمسايير=حتى ظهر في مملكتنا العريقه
فارس بطل شاعر فحل حر من طير=ذكره سرى بين البرى له بريقه
يشرب من الغيمه وغيره من البير=يسلك ذرى الامجاد محدٍ يعيقه
حازم وجازم في ردوده على الغير=لوباش صرعى من بحوره غريقه
واقرب مَثَل راعي الطبل والمزامير=ساعة تشدق واحتزم في فريقه
لكنّ جاه الرد مثل الاعاصير=او مثْل برقٍ.. شب فيهم حريقه
يا جاهل الفولاذ ودك بقصطير=تقطع حديد الصلب ..وايدك رقيقه
هذا الزلامي من كبار المشاهير=مثل العلم باين لكل الخليقه
الجود كفه والصدر منبع الخير=والعز نجله والتفاخر شقيقه
له في قلوب الناس حشمه وتقدير=كل ٍ تمنى يوم يصبح صديقه
ويلازمه في مجلسه والمشاوير=لنْ المعالي تُقتبس من رحيقه
اسمه يعطر صفحة المجد تعطير=واهل المروه سايرين ابطريقه
مكتوب في التاريخ ضمن المغاوير=لكن فرَقْ عنهم فروق الشهيقه
سيرته ما فيها تفاوت وتزوير=ناخذ علومه من مصادر وثيقه
وانشهد انه رمز عالي وتنوير=لاهل العقول النيرات الطليقه
هذا الزلامي له موده وتوقير=بقلوبنا صارت غلاته لصيقه
كل القوافي تنتظم في طوابير=عند الزلامي تعترض بالموسيقه
(رشيد) من نسل الرجال المناعير=اهل الشهامه والاصول العميقه
عتيبه اللي سطروا المجد تسطير=عدوهم يمسي ويصبح بضيقه
وانا العسيري والعسر عندنا يصير=يسير ثم نزرع بصخره حديقه
والعذر ثم العذر لاصار تقصير=مني ..فوالله صغتها بالسليقه

أخوكم ابراهيم العسيري

,, الله يحييك يالعسيري في منتدى الهيلاء ويشرفنا تواجدك معنا ,,
,,, وبيض الله وجهك على هالقصيده الجزله ,,,
,,,, تقبل تحياتي ,,,,

[ابراهيم العسيري]

المشاركة الأصلية كتبت بواسطة نشاط الزلامي

,, الله يحييك يالعسيري في منتدى الهيلاء ويشرفنا تواجدك معنا ,,
,,, وبيض الله وجهك على هالقصيده الجزله ,,,
,,,, تقبل تحياتي ,,,,

الاخ نشاط الزلامي

ابقاك الله ورفع الله قدرك

وجهك ابيض طال عمرك

شاكر ومقدر لك اطلاعك وتعقيبك

[بندر الهيلا]

يالعسيري



ارحــــــــــــــــــــــــــــــــــب مليـــــــــــــــــــــــــــــون
ولايســـــــــــــــــــــــــــــــــــــــــــــ ـــــــــــــــــــــدون


وهذا محلك وانت ترحب فيه

تحيـــــــــــــــاتي
بــــــــــــــندر الهيــــــــــــــــلا

[طـــــــــلمس]

صح لسانك


قصيدة جزله

[الشنباوي]

ياسلام عليك صح لسانك
ولزلامي يستاهل
والله ماقصرت شاعر
من الوزن االثقيل
اتممنا ان نسمع من قصائدك
والله يحييك بين اخوانك