سلام ردية وفا لاهل الوفا مثــــــل الذهب ( الجذع ,المرشدي)

[محمد العضياني]

اللي نريده ليا قمنا وصلنـــــا مداه=ياللي تناقش علومً مثبتتها القضاه
يا ربعنا كيف جت من صوبكم هالسواه=الحي يحييك والميت يزيدك غبن

ما اقول فيك قصور مار الفعل للسيف الحدب=والناس فيها عالمً عند الملازيم تغدي
حفرت حفره في جماد وطحت فيها في رجب= وان طعتني ماعاد ينفعك المطامر والعدي

[حمد بن جوباح]

.
..

يا سلام يا سلام

طاروق كايف ولعب كباتن

صحت ألسنتكم

وانا بين الصفين

الديكتاتوري

و

الديموقراطي

والليل يا عتيبه الليل



.
.
.


















تحياتي لكمـ ،،

[محمد العضياني]

ارحب ارحب

يا حمد جوباح

صح بدنك ولاهنت

حضورك مكسب ومتابعتك تشرفنا

[ناصر المرشدي]

والله والنعم يالعضيان قول وفعل=والبادي اضلم على ماقال راع المثل
السالفه بيننا يوم انت مالك دخل= الحي يحييك والميت يزيدك غبن

يابو شنب غيرك ليا قر القرير ابوشنب=واسيوفنا لاثارت االهيجاء دمار المعتدي
حفرتك وانت بجوفها طايح على روس الركب=والخاتمه جتني شياطين المحاني تحتدي

آخر تعديل ناصر المرشدي يوم 15-Nov-2007 في 09:26 PM.

[محمد العضياني]

يا الاد مرشــد ونعم وسبعة انعامي=وانا على مــوقفي والموقف الزامي
اخوان لاخوانهم يا عيــال الاعمامي=والحي يحييك والميت يزيدك غبن

ان ثارت الهيجاء يابن مرشد تبا تلعب طرب=والله يعين اللي يناح القـــــــوم دونك يا ولدي
النار من يقرب سناها راح من بين الحطــب=وانته تغامر مع صحيبك لين طحتوا في يدي

[ناصر المرشدي]

صاحبك يدحم وجنبه فالمواقف متين=وجنوبنا فالمواقف قاسيه ماتلين
وانتم تعديتوا الخط الحمر مرتين=الحي يحييك والميت يزيدك غبن

ياوالد العضيان مابيني ولابينك نسب=والحرب يبغاله ولد وان قلت قلتك بعدي
تشب نارك يامحمد بس كنك ماتشب=انا وسلطان الجذع نحداك لاقمنا حدي

آخر تعديل ناصر المرشدي يوم 15-Nov-2007 في 11:44 PM.

[سعود العصيمي]

البواردي


ناصرالمرشدي


ابداع منقطع النظير


صحت الالسن وصحت القلوب



واصلواااا


متابع للفائدة

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[محمد العضياني]

مستور ماشال سيفه للزلامي رشيد=عــدّ الحقيقة وهذا كل بيت القصيــد
والا على القوم باسه يابن مرشد شديد= الحي يحييك والميت يزيدك غبن

لا لا تبرا يالعتيبي تحت تأثير الغضب= منّا وحنّا نطلب الله كل ليلة تهتدي
ياللي تحج البيت لا تشكي علي من التعب=باقي عليك السعي يا واف الخصايل والهدي

[محمد العضياني]

سعود العصيمي

مرحبا مرحبا

صح بدنك وشاكرين تشريفك طال عمرك

[ناصر المرشدي]

علم بها اللي يشيل السيف عصر وضحى=واليوم تشكي علينا بعد دار الرحى
ياجار جيرتك هاذي مثل جيرة جحا=الحي يحييك والميت يزيدك غبن

الحمد لله مالحقني لاملام ولاعتب=لافي في بيوت الشعر يامحمد ولا في مقصدي
حنا نعرف الفرق بين اللي قراء واللي كتب=لكن على راس العضياني صواعق وبردي