الكبتن مناحي
يامرحبا يالشاعر اللي جيتنا طُرّقي وضيف=لَكِنّ ريّض خطوتك يالطُرّقي العجلانيه
ترى المعاني كنّها مزون المطر تمشي صفيف=وأن لاح برّاق الحياء بسم الله الرحمانيه
رحيّم الغنامي
دام البقا و انا هنيا ضيف و انت المستضيف=يا معزب الضيفان سوق الكيف للضيفانيه
عيني تخيل المزنه اللي برقها جاله رفيف=لكنّ مدري عن بروق الصيف في الامزانيه
الكبتن مناحي
يارحيّم أنته لك ثمان سنين فالشرطه عريف=لكنّ ابا ارقّيك (ظابط)في وظيفه ثانيـــه
ماهو بلازم مايعيش الروقي الاّ في عفيـــف=الخير واسع والسّعه في ديرة العتبانيه
رحيّم الغنامي
مكاتب التوظيف اورى في وظايفها واعيف=الدخل ما من دخل وعظام البنادم فانيه
تجار سوق البورصه عان ارصدتها في جنيف=ما اقول غير الله يبارك في الغصون الدانيه
الكبتن مناحي
أنته بعصر ابن سعود ..ولا انت في عصر الشريف=عصر التطوّر يارحيّم طوّر البدوانيه!!
واليا بغيت الصيف والمصياف عانه فالمصيف=تعطّر من الورد وأكل الخوخ والرمانيه!!
رحيم الغنامي
عصر التطور طافك و حدّك على حيد الرصيف=وين انت عن عصر التطور وانت في الضلعانيه
الطايف المانوس دار الكيف و الجو اللطيف=غلاه مستوزيه ما بين الضلوع الحانيه
الكبتن مناحي
ماهو بعيب الضلع واللّي يسكن الضلع المنيف=احسن من اللي يارحيّم يسكن المسلانيه
ياصاحب العقل الرزين وراعي الدم الخفيف=شيخ القبيله مايقفّل دونه البيبانيه
رحيّم الغنامي
الله يبارك فيك مار الضلع مزبان الضعيف=وانته شجيع و في المواقف تنطح العدوانيه
اثرك من عتيبه و انا كنت احسب انك من ثقيف=لكنّ سرّ القاف و اسر الليل يا سرحانيه
الكبتن مناحي
ترى الجبال ذيابها ياصاحبي تهرف هريف=والا السباع الثانيه تنزل مع الوديانيه
كل شي شككبه يكود الرمح والسيف الرهيف=ومناحي اللي يذبح الشعار بالقيفانيه
رحيم الغنامي
نبا ندوّر للقضيه حلّ مار الحل كيف؟=و الكبتن مناحي نشيط و يطمر الجرفانيه
عانه من السيل الكبير لحفر كشب اليا العطيف=سيفه حديد و يذبح الفرسان بالالحانيه!
« آخـــر الـــمـــشـــاركــــات »
23-Apr-2007, 01:30 AM
الكبتن مناحي ورحيّم الغنامي بلا ردود هناااا !
العرض الشجري