---|| معذور ياوالدي معذور ||---

[أبن مسلم]

بسم الله الرحمن الرحيم


أيها الآخوه الآعزاء هذه الأبيات كتبتها أيام غزو العراق للكويت وكان الوالد الله يرحمه ويغفرله ويغفر للوالده واموات المسلمين

جميع ينزعج إذا تأخرت مازرته وذاك الحين مافيه جوالات وفي يوم من ألأيام جاني خبر بأنه رادٍ له كم بيت وموجها لي لاكن المرسول
ماجابها كامله وانا والله ماحفظها ذالحين وإلا إن كان قلتها لاكن للأسف لاكتبت ولاحفظت وراحت مع راعيها الله يرحمه .ورديت عليه هالأبيات
أمل أن تحوزعلى رضاكم وتدعون له بالرحمه.
--|| معذورياوالدي معذور ||--

معـذور ياوالـدي مـعـذور=معـذور لوكنـت زعـلانـي
وإن كان عنكم أغيـب شهـور=غصـبٍ ولانـي بطربـانـي
البعـد مانـي بلـه مسـرور=لمقـابـلـك دوم شفـقـانـي
لاشـك دنيـاً علينـا تــدور=فتنـه وحـركـك شيطـانـي
صـدام فينـا نـوى بالـبـور=بديارنـا الـنـذل طمعـانـي
وأبوحقـب وافقـه بالـشـور=وحسيـن يرقـص بعمـانـي
والعلم إلـه عندنـا مصـرور=جـيـش(ن) لياثاربركـانـي
شعب السعودي مافيه قصـور=يعجبـك فـي كـل ميـدانـي
نحمي وطنـا مـن المغـرور=ومن مات ماهـوب خسرانـي
موتـه ولاعيشتـه مقـهـور=في رحمـت فـلان وفلانـي
جتني بيوتـك ثـلاث سطـور=ورديـت والـزود مجـانـي
وأرجو السموحه على الميسور=باللعـب مـانـي ببلشـانـي
منكـم تعلـمـت يادكـتـور=وللنـاس حطيـت ميـزانـي
مافيه حر(ن) ولِـد عصفـور=والذيـب مايجيـب فيـرانـي
وأرجي عساكم بيتكم معمـور=وباقي أخوانـي لهـم شأنـي
والطيب مـن بيننـا منشـور=ياشيـخ يـاذرب الأيمـانـي
وأعيد وأقـول لـك معـذور=يـا بـوي لوكنـت زعلانـي

[ وسلامتكم

أبن مسلم