ماجد الهذلي .. مطلوب

[ماجد الهذلي]

ولو يقدر اللي قال للعلم سواه = وحنا معاكم ما نحب الغليبة
قليل الحيل يشرب من البحر ما أسقاه = عسى نو خير إليا بداله يصيبه

[((الدلبحي))]

الله اكبر الله اكبر

واصلوا وعلى القوه

تحيااااااااااااااااااااااااااااااااااتي

[حمد بن جوباح]

.
..

استلم استلم

طبيب العلل يعرف لك الداء مع دواه=والا يا عطيب الجرح جالك طبيبه
ونو السماء ما هو مثل ما انت تبغاه=يشيلك ليا وقفت داخل شعيبه

[حمد بن جوباح]

.
..

وليد الزراقي
(( الدلبحي ))
لك تكرموا على هيك متابعه


.
.
.
.

تحياتي ،،

[ماجد الهذلي]

راس الحربة المعذرة على التأخير

اليومين هذي مشغول وخلها على الله

أبا أجزاه فيما قال لا بد نجزاه = وحوله يدور الشك والشك ريبه
تبا تستريح بخير والموت تلقاه = وتسري بليل أظلم ولا ينسري به

[حمد بن جوباح]

.
..

معذور يا ماجد
والله يعين على الدنيا ومشاغلها

استلم استلم

تضيق السعه وتقول لي ها ثم هاه=وتشتالها بالطيب والا غصيبه
وماجد طوال الدرب ما يحسب خطاه=ولا يدري الماخوذ وين يغديبه

[ماجد الهذلي]

علومك ضعيفه فأول العلم وأتلاه = وتشبه لذيب ولأنت .. فالضلع ذيبه
أعلمك وأنت العلم تذكر وتنساه = أكسبك لين تروح بالراس شيبه

[مرزوق حمدان العتيبي]

...
.
..
ماجد وراس حربه ..
محاوره حاميه ... والله يقويكم .
..
واصلووووا ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[حمد بن جوباح]

.
..

استلم استلم

فعولي فعول الذيب سرحان للشاه=ولو يحبسون الشاه وسط الزريبه
وليت الهذيلي يلتفت يم مرماه=يشوف الهدف من راس كبتن عتيبه

[حمد بن جوباح]

.
..

مرزوق العتيبي
يا هلا بك يالغالي
بس..
خل عينك لـذياب راع الشلفا


.
.
.
.

تحياتي ،،