سعود العصيمي
سلام تسليم الوفا من هيض عساف الصعب = يضفي على الحضار من روس الرجال الغانمه!!
الليل ياصحيبي فهد عطنا اخر اخبار العرب = وش اخر اخبار العرب عسى ثبيت مسالمه!!
فهد الشهيب
يامرحبا ياللي مع الاجواد تلعب من طرب=تبدع بيوتك والردود اليوم عنـدي والمـه
قالولي ان شعيل تال الوقت صايبه الجرب=وثبيت ماتقنى بعير اجرب وناقه هايمـه
سعود العصيمي
حنا على وضح النقا عشنا وكملنـا الطلـب=وانته اغلب اردودك يابوعواض ماهي سالمه.
الضرس لامنه دخله السوس ماسلم العصـب=مارانتبه لضروسك من السوس قبل اتعالمـه
فهد الشهيب
ماقول فيك قصور لكنك تعرضها الصعـب=والسر يبقى في ضميري وانت ماانته عالمه
انا ضروسي سالمه ماقد شكيت امن التعب=وانته ظلمت الضرس والمسواك دايم ظالمه
سعود العصيمي
الراس دايم راس مهما كان مايرجع ذنب = لكن ابو عواض يحلم مع عباد ٍ حالمه!!
مسواك ماهوراك عند اهل الحسب واهل النسب = مانقبله وانته نبا نجري معاك مكالمه.
فهد الشهيب
الله يعينك كان جا وقت المشاكل والنشـب=ياسالم اللي يعتزي فالوقت باختـه سالمـه
قفّا زمانك وانت مقفي مع زمان اطلق شنب=النت ّ والتنظيم ماتعـرف سياسـة عالمـه
سعود العصيمي
ماكنك اتشوف السباع اللي تقانب من غضب=والرجل لابده يوفـي فـي لـزوم ٍ لازمـه!!
اول مقاديم الفرج برق تعقرب فـي النصـب=وان سال سيله صبح بكره كل وقت وعالمه!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
04-Feb-2011, 05:07 AM
العرض العادي
