إسرائيل....والمسجد الاقصى !!

[عناد الشيباني]

هذه القصيده

رديتها حينما سمعت عن هجوم الاسرايليين

على المسجد الاقصى يوم الجمعه



اتمنا تنال اعجبكم

آه من همن ورى عوج الضلوع=اثقل من جبال سلمى والسراه
كاتمه لكن هليت الدموع =مير مايصعب على الوالي دواه
.من سبب فعل الردي شين الطبوع=اليهودي جعل مايكثر نماه
فعلته شينه وفي تال السبوع =في نهار الجمعه بوقت الصلاه
هاجمن والناس فالمسجد ركوع =مسجد الاقصى عسا الله يحماه
هاجمن والناس للمولى خشوع=غادر وخاين وملعونن ثواه
فعلته منها الردي يبقا جزوع =وينطح الميدان ويقابل عداه
اليهودي من ربوع اليا ربوع =يذبح اهل الدين ويكبر عصاه
وغزه اتذوق الحزن من كل نوع =تشتكي والعلم وصل مننتهاه
تعوي اعوى ذيب لحقه قو جوع =تشتكي تطلب من العربان جاه
وين شيخانن على الفرجه قطوع=خصمهم وقت اللقا يظهر خفاه
ياشيوخ القوم لباس الدروع =الوضع وجهه بقا كنه قفاه
ولعو للحرب بلاه الشموع=وخلو الكافر يعرف المستواه
لين بعد الفعل يمشي مايتوع=وقبل يفعل شي يعرف وش وراه
لجل غزه ناطحو كل الجموع=ولا خسر مسلم مدام الله معاه
العمر فاني ولله الخضوع=ولا بقا للرجل كثر اللي قضاه
مير موتك وانت تطمح فالطلوع=خير من تنذل وتجيك الوفاه

وسلا متكم

الشاعر عناد الشيباني

تاريخ القصيدة (04-01-2010, 06:23 pm )