الطارف بدون شرط

[فهد الشيباني]

دام البقا ياواطي الشوك معدي على الشوك = والباب له فتحه سويه فتحه سويه
تبغاالحياه اللي على لوك اللي على لوك = شدة طميه بالعشيه راحة عشيه

[محمد الشامان الحشيبري]

ترى الغزو بالطايرة هوك ماتعرف الهوك=الطايرة تحمل شضيه ترمي شضيه
دام الهوى غازيك مشروك باالسلك مشروك=مسرجك يا ضهر العبيه ضهر العبيه

[فهد الشيباني]

شفت القصر يملكه صعلوك راعي وصعلوك = والوضع في حاله رثيه وضعن رثيه
وشفت الديار تصك بصكوك دار(ن) ومصكوك = ياحيف يارجال الحميه رجال الحميه

[محمد الشامان الحشيبري]

اقول خل العلم مدكوك بطيب مدكوك=لا تجزي الحسنه بسيه حسنه بسيه
لو تحتمي بخوك وابوك اخوك وابوك=مضهرك من بين البريه يابن البريه

[فهد الشيباني]

لا والله راحو صبح ثم جوك صبح ثم جوك = وانته على وضعك وزيه وضعك وزيه
ربعك على خبرك بدون شكوك لاتطري شكوك = واقضب رسن راس المطيه راس المطيه

[محمد الشامان الحشيبري]

حنى معك وتقول لاموك ماقول لاموك=خلك مواصل بالسريه قود السريه
المعركه من دون يرموك بالحيد يرموك=المعضله سارت قويه طبعن قويه

[فهد الشيباني]

تصبح على خير يالشامان

وصح السانك

والله لايهينك

[محمد الشامان الحشيبري]

وانت من اهل الخير ولسانك وبيض الله وجهك

[مازن الشيباني]

صحت الالسنه والقلوب

[محمد الشامان الحشيبري]

وبدنك يا مازن ومشكور على المرور